Home తాజా వార్తలు మెగా హీరోకు జోడీగా ఐశ్వర్య రాజేష్

మెగా హీరోకు జోడీగా ఐశ్వర్య రాజేష్

Aishwarya Rajesh acts with Sai tej

 

మెగా హీరో సాయి తేజ్ వరుస హిట్లతో దూసుకుపోతున్నాడు. చిత్రలహరి, ప్రతిరోజూ పండగే సినిమాలతో హిట్ ట్రాక్‌లో ఉన్న ఆయన కొత్త చిత్రం ‘సోలో బ్రతుకే సో బెటరు’ విడుదలకు సిద్ధమవుతోంది. ఈ చిత్రం విడుదలయ్యే లోపే కొత్త సినిమాను మొదలుపెటాడాయన. ఈ చిత్రాన్ని దేవ కట్ట డైరెక్ట్ చేస్తున్నాడు. ఇటీవలే సినిమా షూటింగ్ మొదలైంది. హైదరాబాద్ పరిసర ప్రాంతాల్లో షూటింగ్ జరుపుతున్నారు. మొదట ఈ చిత్రంలో తేజ్ సరసం నివేత పేతురాజ్‌ను కథానాయకిగా అనుకున్నారు. గతంలో వీరిద్దరూ కలిసి ‘చిత్రలహరి’లో నటించి అలరించారు. అందుకే వీరిద్దరినీ ఫైనల్ చేశారు. కానీ చివరలో నివేత స్థానంలో ఐశ్వర్య రాజేష్‌ను తీసుకున్నారు. ఈ మార్పు వెనుక కారణాలు తెలియలేదు కానీ మార్పు మాత్రం జరిగిందని తెలిసింది. ఇకపోతే ఈ చిత్రాన్ని దేవ కట్ట యధార్థ ఘటనల ఆధారంగా తెరకెక్కిస్తున్నాడు. ఈ సినిమాకు ‘రిపబ్లిక్’ అనే టైటిల్ పరిశీలనలో ఉంది.