అమరావతిః ప్రజలకు రక్షణగా ఉండాల్సి పోలీసే రాక్షసుడిగా మారాడు. బెదిరరించి ఓ యువతిపై అత్యాచారం చేశాడు. ఈ దారుణ ఘటన అనంతపురం జిల్లాలోని బోయకొట్లాలో చోటుచేసుకుంది. బాధితురాలు తన స్నేహితునితో మాట్లాడుతుండగా అక్కడికి వెళ్లిన ఏఆర్ కానిస్టేబుల్ యువతిని బెదిరించి బలవంతంగా బైక్‌పై ఎక్కించుకొని అనంతపుంరం తీసుకెళ్లాడు. అక్కడ ఓ గదిలో నిర్బంధించి యువతిపై అత్యాచారం చేశాడు. తర్వాత మరో ఇద్దరు వ్యక్తులతో కలిసి ఏఆర్ కానిస్టేబుల్ యువతిపై గ్యాంగ్ రేప్‌కు పాల్పడ్డాడు. బాధితురాలు అక్కడి నుంచి తప్పించుకొని పోలీసులకు ఫిర్యాదు చేసింది. దీంతో ఏఆర్ కానిస్టేబుల్‌ను పోలీసులు అరెస్టు చేశారు. ఈ ఘటనపై కేసు నమోదు చేసుకున్న పోలీసులు బాధితురాలిని వైద్య పరీక్షల కోసం అనంతపురం ప్రభుత్వ ఆస్పత్రికి తరలించారు. నిందితులకు కఠిన శిక్ష పడేలా చేస్తామని పోలీసులు తెలిపారు.
AR Constable Arrested for raping woman in Anantapur