Home జాతీయ వార్తలు బాబ్రీ కూల్చివేతపై 9 నెలల్లో తీర్పు: సుప్రీంకోర్టు

బాబ్రీ కూల్చివేతపై 9 నెలల్లో తీర్పు: సుప్రీంకోర్టు

Babri-Masjid-Caseన్యూఢిల్లీ: బిజెపి సీనియర్ నాయకులు ఎల్‌కె అద్వాని, మురళీ మనోహర్ జోషి, ఉమాభారతి తదితరులు నిందితులుగా ఉన్న బాబ్రీ మసీదు కూల్చివేత కేసులో నేటి నుంచి తొమ్మిది నెలల్లోగా తీర్పును వెలువరించాలని సుప్రీంకోర్టు శుక్రవారం ఆదేశాలు జారీచేసింది. 1992లో జరిగినబ్బ్రా మసీదు కూల్చివేత సంఘటనలో అద్వానీ, జోషి, ఉమా భారతి తదితరులపై నమోదైన నేరపూరిత కుట్ర ఆరోపణలపై విచారణ జరుపుతామని 2017లో సుప్రీంకోర్టు ప్రకటించింది.

విచారణ ప్రక్రియను 2019 ఏప్రిల్ 19వ తేదీ కల్లా పూర్తి చేస్తామని అప్పట్లో సుప్రీంకోర్టు స్పష్టం చేసింది. తాజాగా, ఈ కేసుపై తీర్పును తొమ్మిది నెలల్లో ప్రకటించాలని సుప్రీంకోర్టు ఉత్తర్వులు జారీచేసింది. ఇలా ఉండగా, రామ మందిర్-బాబ్రీ మసదు వివాదం పరిష్కారానికి మధ్యవర్తిత్వ కమిటీని గతంలోనే ఏర్పాటు చేసిన సుప్రీంకోర్టు ఈ నెల 17న జరిగిన విచారణలో కమిటీ తన తుది నివేదికను జూలై 31లోగా అందచేయాలని ఆదేశిస్తూ ఈ కేసు విచారణను ఆగస్టు 2కు వాయిదావేసిన విషయం తెలిసిందే.

Babri Masjid demolition case, SC extends tenure of Special Judge SP Yadav, sets trial deadline of 9 months