హైదరాబాద్: మెగాస్టార్ చిరంజీవి, సక్సెస్ ఫుల్ డైరెక్టర్ కొరటాల శివ కాంబినేషన్ లో తెరకెక్కుతున్న క్రేజీ ప్రాజెక్ట్ ‘ఆచార్య’. ఈ చిత్రాన్ని మ్యాట్నీ ఎంటర్ టైన్మెంట్‌ సంస్థతో కలిసి కొణిదెల ప్రొడక్షన్స్ బ్యానర్‌లో రామ్ చరణ్ నిర్మిస్తున్నాడు. ఈ మూవీలో మరోసారి చిరు సరసన అందాల చందమామ కాజల్ అగర్వాల్ హీరోయిన్ గా నటిస్తోంది. కాగా, మెగా అభిమానులకు త్వరలో గుడ్ అందనున్నట్లు తెలుస్తోంది. ఏప్రిల్ 2వ తేదీన శ్రీరామ న‌వమిని పుర‌స్క‌రించుకొని ఈ మూవీ ఫస్ట్ లుక్‌ని చిత్రయూనిట్ విడుదల చేయ‌నున్న‌ట్టు టాక్ వినిపిస్తోంది. ఈ మూవీలో దేవాదాయ శాఖలో పనిచేసే ఉద్యోగి పాత్రలో చిరు, మాజీ నక్సలైట్ పాత్రలో రామ్ చరణ్ నటిస్తున్నట్లు సమాచారం. ప్రస్తుతం కరోనా కార‌ణంగా ఈ సినిమా షూటింగ్ వాయిదా ప‌డింది. ఈ చిత్రానికి మెలోడి బ్రహ్మ మ‌ణిశ‌ర్మ సంగీతం అందిస్తున్నారు.
Chiru’s Acharya movie first look release on April 2!