Home లైఫ్ స్టైల్ సిివిల్ 2018కి ఎలా ప్రిపేర్ అవ్వాలి?

సిివిల్ 2018కి ఎలా ప్రిపేర్ అవ్వాలి?

life

సివిల్స్‌కి ఎలా ప్రిపేర్ అవ్వాలి? ఇదొక లక్షడాలర్ల ప్రశ్న. పరీక్ష అనగానే ప్రతీ ఒక్కరికీ అదో సింహస్వప్నంలా అనిపిస్తుంది. చదవడం మొదలుపెట్టకుండానే పరీక్షలను తలచుకుని దడపుట్టిపోయే వారు ఎందరో! నైటవుట్ల మీద నైటవుట్లు చేసి చదవాలని బెంగపడిపోయేవారు కొందరు. అటెండయ్యేది ఎంత సివిల్స్ అయినా అంత గుండెదడ పుట్టిపోనక్కర్లేదు. ఒక పద్ధతిగా చదువుకుంటే, వ్యూహాత్మకంగా ప్రిపేర్ అవుతే ఏదీ బ్రహ్మవిద్యకాదు. పరీక్ష అంటే బిగుసుకుపోవడం మానేసి ప్రిలిమినరీలో అర్హత సాధించాననే భావనతో చదవడం మొదలుపెడితే అన్నీ సవ్యంగానే సాగుతాయి. 

పరీక్ష అనగానే పుస్తకాలు గుట్టలుగా తెచ్చిపెట్టుకుని తల పట్టుకోవడం కాదు. చదువు కన్నా ముందు వ్యూహరచనకు పూనుకోవాలి. రాసేది ప్రిలిమ్సే అయినా మెయిన్స్‌కు ప్రిపేరవడం ప్రారంభించాలి. ఇది సాధ్యమయ్యేదేనా? అని అనిపించవచ్చుకానీ అలా చదవడం మొదలుపెడితే వచ్చే ఏడాది విజయం ఖాయం.
* ప్రిలిమినరీ సిలబస్‌లోని అంశాలు మెయిన్స్ సిలబస్‌లో 75%
* కరంట్ అఫైర్స్ జీకే, జాగ్రఫీ… ఇలా రెండు పరీక్షలకూ చదవాల్సిన అంశాలున్నాయి.
మౌలిక ప్రిపరేషన్‌లో అభ్యర్థులకు అనేక సందేహాలు తలెత్తుతాయి. రెండిటికీ ఒకే రకమైన ప్రిపరేషన్ సరిపోయేటట్లయితే మెయిన్స్, ప్రిలిమ్స్ ఇన్ని రకాల పరీక్షలు ఎందుకుంటాయి? అని అడుగుతుంటారు.
* మెయిన్స్, ప్రిలిమ్స్ ప్రిపరేషన్‌లో తేడా ఏమిటి?
* మెయిన్స్ ప్రిపరేషన్ ప్రిలిమ్స్ కన్నా ఎలా భిన్నంగా ఉంటుంది?
* ఒక అంశాన్ని ప్రిలిమ్స్, మెయిన్స్‌లకు చదవడం ఎలా?
* వాటిని అన్వయించుకుని, అనుసంధానించుకుని చదవడం ఎలా?
* మెయిన్స్‌లో ఏమేం పరిశీలించాలి?
* సమాధానాలు ఎలా రాయాలి?
అంటూ ప్రశ్నలు గుమ్మరిస్తారు. మెయిన్స్‌కూ, ప్రిలిమ్స్‌కీ ప్రిపరేషన్ బేసిక్స్ ఒకేలా ఉంటాయి. కాన్సెప్టులను అర్థం చేసుకోవడం ముఖ్యం. ప్రిలిమ్స్ సన్నద్ధతలో మౌలికాంశాలు వాస్తవికంగా ఉండాలి. మెయిన్స్‌కు వాస్తవాలు, అభిప్రాయాలు, విశ్లేషణలను జోడించాలి. ప్రాథమికాంశాలపై పట్టుసంపాదించాక ముఖ్యమైన అంశాలను గుర్తించాలి. అది వర్తమాన వ్యవహారాలవైపునకు అంటే జికె, ఐక్యూవైపు దృష్టిమళ్ళించాలి. నిజానికి సివిల్స్‌లో ప్రశ్నలు కాంటెపరరీ వ్యవహారాల ఆధారంగానే ఉంటాయి. ఒకసారి టాపిక్‌లను ఎంపిక చేసేసుకుంటే ప్రిపరేషన్ తేలికవుతుంది. ఉదాహరణకు- ఈ మధ్య వార్తాపత్రికల్లో తరుచు ఆర్టికల్ 35-ఏ గురించి చదువుతున్నాం. చదవడమంటే గుడ్డె ద్దు చేలో పడ్డట్టుగా కాక ఒక పథకం ప్రకారం చదవాలి.
ఈ అంశంపై కింది ప్రశ్నలు వేసుకుని, వాటికి సమాధానాలను వివరంగా సేకరించాలి.
* ఆర్టికల్ 35-ఏ ఏమిటి?
* ఎప్పుడు ఉనికిలోకి వచ్చింది?
* జమ్మూ కశ్మీర్‌కు సంబంధించి దాని ప్రాముఖ్యం ఏమిటి?
* ఈ ఆర్టికల్ ఎందుకు చర్చనీయాంశమవుతోంది?
* దీన్ని మార్చడానికి వ్యతిరేకత ఎందుకు వస్తోంది?
అని చిన్న చిన్న ప్రశ్నలు అనేకం సృష్టించుకుని వాటికి సమాధానాలు సేకరించాలి. దీంట్లో ఫాక్ట్ ప్రిలిమ్స్‌కు ఉపయోగపడతాయి. ఈ చ ట్టం విషయంలో ఆ తర్వాత వచ్చిన పరిణామాలూ, వివిధ సంస్థల అ భిప్రాయాలూ, చర్చలూ… ఇవన్నీ మెయిన్స్ పరీక్షలో ముఖ్యమైనవి.
మెయిన్స్‌లో ఏం చూస్తారు?
సివిల్స్ ప్రధాన పరీక్ష జవాబుపత్రాలను మూల్యాంకనం చేసేవారు మీరు రాసిన పాయింట్ల కోసం చూస్తారు. ఆ ప్రశ్నకు ఉండే మార్కులను బట్టి పాయింట్ల విషయంలో ఒక అంచనాకు వస్తారు. ఇన్ని మార్కుల ప్రశ్నకు కనీసం ఇన్ని పాయింట్లయినా ఉండాలని ఒక ఉజ్జాయింపుతో దిద్దడం మొదలుపెడతారు. ఓ ఉదాహరణ ద్వారా చూద్దాం.
ఇటీవల నాగార్జున సాగర్‌కు 29 కి.మీ. వాయవ్యదిశలో భూకంపం సంభవించింది. దీన్ని జాతీయ జియోఫిజికల్ పరిశోధన కేంద్రం (NGRI) జులై 26న కనిపెట్టింది. భారీ రిజర్వాయర్ల వద్ద భూ ప్రకం పనాలను పరిశీలించటం, పెద్ద ఆనకట్టలకు సంబంధించిన పర్యా వరణ అంశాలపై దృష్టి పెట్టాలనే ఆలోచనను ఈ ఉదంతం వెలుగు లోకి తెచ్చింది. ఈ నేపథ్యంలో రాదగ్గ ప్రశ్న- ఇలా ఉంటుంది.
Q : WHAT ARE THE ECOLOGICAL IMPACTS OF LARGE DAMS ?’
A: Experience from all over the world has shown that large dams have major environmental and ecological impacts. Some of these are listed below:
Upstream (including reservoir) (1) soil erosion; (2) micro-climatic changes; (3) loss of forests, flora, and fauna; (4) changes in floral and faunal density and diversity; (5) changes in fisheries, especially on spawning grounds; (6) chain effects on catchment area due to constructions, displacement, etc.; (7) landslips, siltation and sedimentation; (8) breeding of vectors in reservoir and increase in related diseases; (9) seismicity; (10) loss of non-forest land; (11) water logging around reservoir ; and (12) growth of weeds.
Downstream (including command area); (1) water logging and salinity; (2) reduced water flow and deposition in river, with related impacts on aquatic ecosystem, flora and fauna; (3) micro- climatic changes; (4) flash-floods; (5) salt-water ingress at river mouth; (6) changes in coastal ecosystem (e.g., mangroves); (7) loss of land fertility along river; and (8) vector breeding and increase in related diseases.
ఈ జవాబులో 20 పాయింట్లు ఉన్నాయి. కనుక 20 మార్కుల ప్రశ్నగా రావడానికి ఆస్కారం ఉంది. అంటే పాయింటుకో మార్కు అనుకోవచ్చు.
రాతలో పరిణతి ఉండాలి
సివిల్ సర్వెంట్ పరిణతిని సూచించేలా రాయగలిగివుండాలి. వ్యాకరణ దోషాలు, అక్షరలోపాలు, వ్యాకరణ దోషాలు లేకుండా జాగ్రత్తపడాలి. పదాడంబరం పనికిరాదు. సమయం, సందర్భంలేని గణాంకాలను ఏకరువు పెట్ట కూడదు.
సివిల్స్‌కు అవసరమైన రిపరెన్స్ పుస్తకాలన్నీ చదివేసి వివిధ అంశాలపై పరిజ్ఞానం సంపాదించినవారు అన్ని పాయింట్లు సమగ్రంగా వస్తున్నాయోలేదో ఒకసారి రాసి చూసుకోవాలి. అది కూడా ఆ ప్రశ్నకు తీసుకోవాల్సిన టైములో కంప్లీటవుతోందో లేదో చూసుకోవాలి. ఈ దిశగా ప్రాక్టీస్ చేసుకోవాలి. అన్ని అంశాల్లో పరిజ్ఞానం సంపాదించాక అప్పుడు రాయడం ప్రాక్టీస్ చేయండని కొందరు సలహా ఇస్తుంటారు. విషయ పరిజ్ఞానం ఎప్పటికి లభిస్తుంది? మెయిన్స్ పరీక్షకు నెలరోజుల ముందా? రెండు నెలల ముందా? అలా ఆలోచించడం సరికాదు. అన్ని అంశాల్లో పరిజ్ఞానం సంపాదించేదాకా కాచుక్కూచుంటే పుణ్యకాలం కాస్తా గడిచిపోతుంది. విషయం తెలిసినా మనకున్న సమయంలో పేపర్ మీద పెట్టలేకపోతే ఫెయిలవుతాం. చిట్టచివర దాకా ఆగితే రోజుకు 4-5 గంటల రాత సాధన అవసరమవుతుంది. అంత సమయం ఉంటుందా. వార్తాపత్రికలు చదవటం, తయారు చేసుకున్న నోట్సు/ పుస్తకాలను పునశ్చరణ చేయటం, నమూనా పరీక్షలు రాయటం.. లాంటి వాటికి సమయం ఎక్కడ ఉంటుంది? కనుక రాతసాధన సన్నద్ధతతోపాటే కొనసాగాలి. అంతగా అవగాహనలేని అంశాన్ని అటెంప్ట్ చేసి దానిమీద కూడా అన్నో ఇన్నో పాయింట్లు రాబట్టే పరిస్థితి ఉండాలి. మెయిన్స్‌లో రోజుకు 8000 నుంచి 10,000 కుపైగా పదాలను రాయాల్సి ఉంటుంది. ఆ స్పీడు చేతికి అలవాటు కాకపోతే ఇన్నాళ్ళ ప్రిపరేషన్ గాలికి పోయి పరేషానే మిగులుతుంది. కాబట్టి మనకుండే కొద్దిపాటి సమయంలోనే పూర్తిస్థాయి సమాధానం అలవాటు చేసుకోకపోతే చిక్కులు ఎదురవుతాయి.ప్రముఖుల కొటేషన్లను, జాతీయాలనూ వాడదలచుకుంటే యథాతథంగా ఇవ్వాలి. ఇష్టం వచ్చినట్టు మార్చేయకూడదు. అడిగిన ప్రశ్నకు అడిగినట్టుగా నిర్దిష్టంగా జవాబు రాయటం అవసరం. విషయాన్ని కుప్పపోసినట్టుగా కాకుండా పేరాగ్రాఫులుగా విడగొట్టటం, పాయింట్లు కనపడేలా అమర్చటం..అవసరం. ఇవన్నీ అభ్యర్థి ఆలోచనా క్రమంలోని స్పష్టతను సూచిస్తాయి.