గుల్జార్‌కి గలియోమె

- Advertisement -

ప్రపంచ వ్యాప్తంగా చిరపరిచితుడూ, ప్రసిద్ధుడైన ప్ర ముఖ కవి, సినీ దర్శకుడు గుల్జార్ అసలు పేరు సం పూర్ణసింగ్ కల్రా. భారతీయ సాహిత్యంలో, సినిమా రంగంలో అత్యంత గౌరవనీయమైన కవులలో, దర్శకులలో ఒకరు. గుల్జార్ కవిత్వంలో, సినిమాల్లో లోతైన మానవ భావోద్వేగాలను, సంబం ధాలను, జీవితంలోని అతి సూక్ష్మమైన అంశాలను స్పృశిం చారు.
గుల్జార్ తన కవితలలో పాఠకులకు అర్థమయ్యే సులభమైన రోజువారీ వ్యవహారిక భాషను ఉపయోగిస్తారు. ఐతే ఈ సరళత వెనుక లోతైన అర్థం దాగి ఉంటుంది. ప్రేమ, విరహం, ఒంటరి తనం, ఆశ, నిరాశ వంటి మానవ భావోద్వేగాలను గుల్జార్ చాలా తీవ్రంగా మరియు హృద్యంగా వ్యక్తీకరిస్తారు.

గుల్జార్ తన కవితల్లో అద్భుతమైన రూపకాలను, ఉపమా నాలను ఉపయోగిస్తారు. అతని కవితల్లో పదాలు ఒక ప్రత్యేకమై న శ్రావ్యతను కలిగి ఉంటాయి. సంప్రదాయ విషయాలను స్పృ శిస్తూనే ఆధునిక దృక్పథాన్ని కలిగి ఉన్న సమకాలీన కవి గుల్జార్. మానవ అనుభవంలోని సార్వత్రిక అంశాలను తన కవితల్లో ప్రతిబింబిస్తూ గుల్జార్ తన కవితల ద్వారా పాఠకుల హృదయా లను తాకి ఆలోచనలను రేకెత్తిస్తారు. గుల్జార్ భారతీయ సాహి త్యంలో మహోన్నత శిఖరం. అతని సాహిత్యం, సినిమాలు తరగని సంపద. గుల్జార్ కవిత్వం నుండి ఎంపిక చేసిన 100 చిన్న కవితలను దేవులపల్లి అమర్ తెలుగులోకి అనువాదం చేయగా, ఆ కవితలకు అర్ధవంతమైన చిత్రాలను దేవులపల్లి శృతి వేసారు. గత కొన్ని వారాలుగా మెహఫిల్‌లో వచ్చిన గుల్హార్ కవిత్వ పరంపర ఈసారితో ముగుస్తున్నది.

మిల్తా తో బోహాత్ కుచ్
హై ఇస్ జిందగీ మె
బస్ హమ్ గింతీ ఉసీ కి
కర్తె హై జో హాసీల్ న హో సకా

దొరికింది కానీ
చాలానే ఈ జీవితంలో
లెక్కిస్తూ ఉంటాం ఎప్పుడూ
మనకు దొరకకుండా
పోయినవాటి గురించే

human emotions relationships