‘మహానటి’ సినిమాలో తన అద్భుతమైన నటనతో జాతీయ గుర్తింపును సంపాదించి స్టార్ హీరోయిన్‌గా ఎదిగారు కీర్తి సురేష్. చక్కటి రూపం, హావభావాలు కీర్తి సొంతం. ఏ పాత్ర చేసినా ఆ పాత్రలో ఒదిగిపోతూ తన నటనతో పాత్రకు ప్రాణం పోసే కీర్తిసురేష్ టైటిల్ పాత్రలో నటించిన చిత్రం ‘మిస్ ఇండియా’. శనివారం ఆమె పుట్టినరోజు. ఈ సందర్భంగా కీర్తిసురేష్‌కు పుట్టినరోజు శుభాకాంక్షలను అందిస్తోంది ‘మిస్ ఇండియా’ యూనిట్. ఇక ‘మహానటి’ తర్వాత కీర్తిసురేష్ నటించిన తెలుగు చిత్రం ‘మిస్ ఇండియా’. నరేంద్రనాథ్ దర్శకత్వంలో ఈస్ట్ కోస్ట్ ప్రొడక్షన్ పతాకంపై మహేష్ కోనేరు ఈ సినిమాను నిర్మిస్తున్నారు. తమన్ మ్యూజిక్ డైరెక్టర్‌గా పనిచేస్తున్నారు. కీర్తిసురేష్ నటిస్తున్న లేడీ ఓరియెంటెడ్ మూవీస్‌లో హై బడ్జెట్‌తో రూపొందుతున్న చిత్రమిది. ఇప్పటికే విడుదలైన పాట, టీజర్ సినిమాపై అంచనాలను పెంచాయి. ఈ సినిమా పోస్ట్ ప్రొడక్షన్ కార్యక్రమాలు కూడా పూర్తయ్యాయి. వచ్చేనెలలో ఈ సినిమా విడుదల చేయడానికి మేకర్స్ సన్నాహాలు చేస్తున్నారు. కీర్తిసురేష్‌ను సరికొత్త కోణంలో ఆవిష్కరిస్తున్న చిత్రమిది. జగపతిబాబు, నవీన్‌చంద్ర, రాజేంద్ర ప్రసాద్, నరేష్, భానుశ్రీ మెహ్రా, నదియా, పూజిత పొన్నాడ, కమల్ కామరాజు తదితరులు ఇందులో నటించారు.
Keerthi Suresh’s Miss India movie to release in Nov?