Home తాజా వార్తలు స్వచ్ఛ దర్పణ్‌లో మన సత్తా….

స్వచ్ఛ దర్పణ్‌లో మన సత్తా….

Swachh-Bharat

జాతీయ స్థాయిలో మొదటి ర్యాంకు
కేంద్ర ప్రభుత్వ సర్వే తాజా నివేదిక
అధికారులకు మంత్రి ఎర్రబెల్లి దయాకర్ రావు అభినందనలు

మన తెలంగాణ/హైదరాబాద్ : స్వచ్చ భారత్ లక్ష్యంగా మన రాష్ట్ర ప్రభుత్వం అమలు చేస్తున్న స్వచ్చ తెలంగాణ కార్యక్రమంలో కీలకమైన పురోగ తి నమోదైంది. కేంద్ర ప్రభుత్వం చేపట్టిన స్వచ్ఛ దర్పన్ మూడో దశ సర్వేలో తెలంగాణ రాష్ట్రంలోని ఆరు జిల్లాలు దేశంలోనే మొదటి స్థానంలో నిలిచాయి. స్వచ్చ దర్పణ్ ఫేస్ – 3 ర్యాంకింగ్ వివరాలను కేంద్ర తాగునీటి సరఫరా, పారిశుద్ధ్య శాఖ శనివారం వెల్లడించింది. దేశంలోని మొ త్తం 700 జిల్లాల్లో ఈ సర్వే నిర్వహించగా, ఎనిమిది జిల్లాలకు మొదటి ర్యాంకు దక్కింది. ఈ ఎనిమిది జిల్లాల్లో తెలంగాణ రాష్ట్రంలోని ఆరు జిల్లాలు ఉన్నాయి. వరంగల్ అర్బన్, జగిత్యాల, కామారెడ్డి, పెద్దపల్లి, రాజన్న సిరిసిల్ల, కరీంనగర్ జిల్లాలతో పాటు ద్వారక (గుజరాత్), రేవరీ (హర్యానా) జిల్లాలకు జాతీయ స్థాయిలో మొదటి ర్యాంకు దక్కి ంది. తెలంగాణ రాష్ట్రంలోని మిగిలిన జిల్లాలు సైతం ఇదే తరహాలో పురోగతి చూపించాయి. స్వచ్చ భారత్ అమలు తీరుపై అంచనాల కోసం కేంద్ర ప్రభుత్వం దశల వారీగా సర్వేలు నిర్వహిస్తోంది.

వివిధ అంశాలను పరిగణనలోకి తీసుకుని సర్వే ఫలితాల ఆధారంగా గరిష్టంగా వంద మార్కులను వేస్తారు. పూర్తి స్థాయి మరుగుదొడ్ల నిర్మాణం, వినియోగం, నిర్వహణ, కమ్యూనిటీ సోక్ పిట్స్, కంపోస్టు పిట్స్, స్వచ్ఛ భారత కార్యక్రమాలపై అవగాన పెంచడం, జియో ట్యాగింగ్ పరిశీలన వంటి అంశాలపై దేశంలోని మొత్తం 100 జిల్లాల్లో కేంద్ర ప్రభుత్వం సర్వే నిర్వహించింది. దేశంలోని ఎనిమిది జిల్లాలకు వందకు వంద మార్కులు నమోదయ్యాయి. వీటిలో మన రాష్ట్రంలోని ఆరు జిల్లాలు ఉన్నాయి. 2011 జనాభా లెక్కల ప్రకారం మన రాష్ట్రంలో గ్రామీణ కుటుంబాల సంఖ్య 42, 33, 614 ఉంది. 2014 వరకు 11, 56, 286 కుటుంబాలకు మాత్రమే మరుగుదొడ్డి సౌకర్యం ఉండేది. రాష్ట్ర ప్రభుత్వం ఈ విషయంలో ప్రత్యేక చొరవ తీసుకుంది. ఇప్పుడు వంద శాతం లక్ష్యం పూర్తయ్యింది. పెరిగిన కుటుంబాల సంఖ్యకు అనుగుణంగా కొత్త మరుగుదొడ్ల నిర్మాణం జరిగిందని కేంద్ర ప్రభుత్వ సర్వేలో నమోదైంది. గ్రామీణాభివృద్ధి, పంచాయతీరాజ్ శాఖ నిరంతర పర్యవేక్షణతో ఇప్పుడు స్వచ్చ దర్పణ్‌లో మన రాష్ట్రం అగ్రస్థానంలో నిలిచింది.
అధికారులకు ఎర్రబెల్లి అభినందనలు..
పల్లెలు పరిశుభ్రంగా ఉండాలన్న ముఖ్యమంత్రి కెసిఆర్ లక్ష్యాలకు అనుగుణంగా చేపట్టిన కార్యాచరణతో మంచి ఫలితాలు వస్తున్నాయని రాష్ట్ర పంచాయతీరాజ్, గ్రామీణాభివృద్ధి మంత్రి ఎర్రబెల్లి దయాకర్ రా వు అన్నారు. స్వచ్చ దర్పణ్ లో మన రాష్ట్రంలోని మం చి పనితీరు కనబరిచినట్లుగా కేంద్ర ప్రభుత్వ సర్వేతో స్పష్టమైందని వ్యాఖ్యానించారు. జాతీయ స్థాయిలో అ గ్రస్థానంలో ఎనిమిది జిల్లాలు ఉంటే వాటిలో ఆరు జి ల్లాలు తెలంగాణ రాష్ట్రానివే ఉండడం గర్వకారణమన్నారు. సిఎం కెసిఆర్ ఆదేశాల మేరకు ప్రజాప్రతినిధులు, అధికారుల సమిష్టి కృషితోనే ఇది సాధ్యమైందన్నారు. మరుగుదొడ్ల నిర్మాణంతోపాటు వాటి వినియోగంపై పెద్దఎత్తున అవగాహన కల్పించామన్నారు. స్వ చ్ఛ దర్పన్‌లో తాజా ఫలితాల కోసం పని చేసిన ఎంపిలకు, ఎంఎల్‌సిలకు, ఎంఎల్‌ఎలకు జిల్లాల కలెక్టర్లకు జిల్లా పరిషత్ చైర్మన్లకు, ఎంపిపిలకు, జెడ్‌పిటిసిలకు, సర్పంచ్లకు, ఎంపిటిసిలకు, వార్డు మెంబర్లకు, ఎంపిడిఒలకు ఉపాధి హామీ సిబ్బందికి, డిఆర్‌డిఎ సిబ్బంది కి, పంచాయతీ కార్యదర్శులకు ప్రత్యేక అభినందనలు తెలుపుతున్నట్లు మంత్రి ఒక ప్రకటనలో తెలిపారు.

Minister Errabelli Dayakar Rao congratulates the authorities