Friday, March 29, 2024

జోరుమీదున్న ముంబై..

- Advertisement -
- Advertisement -

ఒక దశలో టాప్6లో చోటు సంపాదించడమే కష్టమని భావించిన ముంబై ఇండియన్స్ ఏకంగా ప్లేఆఫ్‌కు అర్హత సాధించి పెను ప్రకంపనలు సృష్టించింది. కీలక సమయంలో అనూహ్యంగా పుంజుకున్న ముంబై నాకౌట్‌కు దూసుకొచ్చింది. ముంబై 200కి పైగా భారీ లక్ష్యాలను అలవోకగా ఛేదిస్తూ ప్రత్యర్థి జట్లను హడలెత్తిస్తోంది. హైదరాబాద్‌తో జరిగిన చివరి లీగ్ మ్యాచ్‌లో ముంబై భారీ లక్ష్యాన్ని సునాయాసంగా ఛేదించి ప్లేఆఫ్ బెర్త్‌ను సొంతం చేసుకుంది. ఓపెనర్లు ఇషాన్ కిషన్, రోహిత్ శర్మలు జట్టుకు శుభారంభం అందిస్తున్నారు.

కెప్టెన్ రోహిత్ ఫామ్‌లోకి రావడం ముంబైకి కలిసి వచ్చే అంశంగా చెప్పాలి. కిందటి మ్యాచ్‌లో కామెరూన్ గ్రీన్ అజేయ శతకంతో కదం తొక్కాడు. ఈసారి కూడా అతనిపై జట్టు భారీ ఆశలు పెట్టుకుంది. సూర్యకుమార్ యాదవ్ కూడా జోరుమీదున్నాడు. ఒంటిచేత్తో మ్యాచ్ ఫలితాన్ని తారుమారు చేసే గ్రీన్, సూర్యకుమార్‌లు మరోసారి చెలరేగితే లక్నో బౌలర్లకు కష్టాలు ఖాయం. అంతేగాక టిమ్ డేవిడ్, నెహాల్ వధెరా, క్రిస్ జోర్డాన్ వంటి స్టార్ బ్యాటర్లు జట్టుకు అందుబాటులో ఉన్నారు. బౌలింగ్‌లో కూడా ముంబై బాగానే కనిపిస్తోంది. దీంతో ఈ మ్యాచ్‌లో రోహిత్ సేన ఫేవరెట్‌గా బరిలోకి దిగుతోంది.

- Advertisement -

Related Articles

- Advertisement -

Latest News