‘జెర్సీ’ అనే జాతీయ అవార్డ్ సినిమా తీయడంతో యువ దర్శకుడు గౌతమ్ తిన్ననూరి పేరు ఒక్కసారిగా మార్మోగిన సంగతి తెలిసిందే. తొలి చిత్ర దర్శకుడిగా అతడు తన సినిమాతో అరుదైన గౌరవం అందుకున్నాడు. ఈ సినిమా సంచలన విజయం సాధించడంతో పాటు హిందీలోను రీమేకైంది. ఇందులో నటించిన నానీకి నటుడిగా గొప్ప పేరొచ్చింది. ఆ తర్వాత రామ్ చరణ్‌ని డైరెక్ట్ చేసే గోల్డెన్ ఛాన్స్ కొట్టేశాడు గౌతమ్. ఇంతకుముందే ప్రాజెక్ట్ ఖరారైంది. అయితే మెగాస్టార్ చిరంజీవికి గౌతమ్ తిన్ననూరి వినిపించిన కథ ఆకట్టుకోకపోవడంతో ఈ ప్రాజెక్ట్ ఆగిపోయిందని వార్తలు వచ్చాయి. కానీ ఇప్పుడు మెగా క్యాంప్ నుండి వచ్చిన తాజా అప్‌డేట్ ప్రకారం.. ఈ ప్రాజెక్ట్ ఇంకా లైన్‌లోనే ఉందని, త్వరలో అధికారికంగా ప్రకటించనున్నారని తెలిసింది. ఈ వార్త మెగా ఫ్యాన్స్‌ని చాలా సంతోషానికి గురి చేస్తోంది. మరి ఈ ప్రాజెక్ట్ ఎప్పుడు కార్యరూపం దాలుస్తుందో చూడాలి. ప్రస్తుతం రామ్ చరణ్ శంకర్ దర్శకత్వంలో భారీ పాన్ ఇండియా సినిమా చేస్తున్న విషయం తెలిసిందే. ఈ ‘ఆర్‌సి15’ అత్యంత ప్రతిష్ఠాత్మకంగా తెరకెక్కుతోంది.
Ram Charan next film with Gowtam Tinnanuri?