Home తాజా వార్తలు 8 ఏళ్ల గరిష్టానికి చిల్లర ద్రవ్యోల్బణం

8 ఏళ్ల గరిష్టానికి చిల్లర ద్రవ్యోల్బణం

Retail inflation jumps to 8-year high of 7.79% in april

 

ఏప్రిల్‌లో 7.79%, పెరిగిన అన్నిరకాల వస్తువుల ధరలు, వడ్డీ రేట్లు మళ్లీ పెరగొచ్చు
ఆహార వస్తువుల నుండి దుస్తుల వరకు పెరిగిన ధరలు
ఆర్‌బిఐ మరోసారి వడ్డీ రేట్లను పెంచవచ్చు: నిపుణులు

న్యూఢిల్లీ : ఏప్రిల్ నెలలో అత్యధిక ద్రవ్యోల్బణం కారణం గా సామాన్యులకు ఎదురుదెబ్బ తగిలింది. ఆహార పదార్థాలు, చమురు ధరల పెరుగుదల కారణంగా ద్రవ్యోల్బ ణం 8 ఏళ్ల గరిష్ట స్థాయికి చేరుకుంది. గురువారం ప్రభు త్వం విడుదల చేసిన గణాంకాల ప్రకారం, వినియోగదారుల ధరల సూచీ (సిపిఐ) ఆధారిత రిటైల్ ద్రవ్యోల్బణం ఏప్రిల్‌లో 7.79 శాతానికి పెరిగింది. 2014 మే నెలలో అత్యధికంగా 8.33 శాతం తర్వాత అంతటి స్థాయిలో ద్ర వ్యోల్బణం పెరగడం ఇదే. ద్రవ్యోల్బణం రేటు ఆర్‌బిఐ గరిష్ట పరిమితి అయిన 6 శాతాన్ని దాటడం ఇది వరుస గా నాలుగో నెల కావడం గమనార్హం. రిటైల్ ద్రవ్యోల్బ ణం 2022 మార్చిలో 6.95 శాతం నమోదవగా, ఫిబ్రవరిలో 6.07 శాతం, జనవరిలో 6.01 శాతంగా ఉంది. ఏ డాది క్రితం 2021 ఏప్రిల్‌లో రిటైల్ ద్రవ్యోల్బణం 4.23 శాతంతో కనిష్ట స్థాయిలో ఉంది. అయితే ఈ ఏడాది ప్రారంభం నుంచి చమురు ధరల పెరుగుదల, ఇతర కారణాల వల్ల ద్రవ్యోల్బణం పెరుగుతూనే ఉంది.

8.38 శాతానికి పెరిగిన ఆహార ధరలు
ఆహార ద్రవ్యోల్బణం ఏప్రిల్‌లో 8.38 శాతానికి పెరగ్గా, అంతకుముందు మార్చి నెలలో ఇది 7.68 శాతంగా ఉంది. గతేడాది ఇది అత్యంత కనిష్ట స్థాయిలో 1.96 శాతంగా ఉంది. ఇంధనం, విద్యుత్ ధరల విషయానికొస్తే 7.52 శాతం నుంచి 10.80 శాతానికి పెరిగాయి.

ఇప్పటి వడ్డీ రేట్ల పెంపు
రిటైల్ ద్రవ్యోల్బణం ఆధారంగానే ఆర్‌బిఐ(భారతీయ రిజర్వ్ బ్యాంక్) వడ్డీ రేట్లపై నిర్ణయం తీసుకుంటుంది. ఆర్‌బిఐ ఈ నెల ప్రారంభంలో అత్యవసర ద్రవ్య విధాన సమావేశం నిర్వహించి, వడ్డీ రేట్లను పెంచింది. ద్రవ్యోల్బణం ఆందోళనల కారణంగా వడ్డీ రేట్లను 0.40 శాతానికి పెంచుతూ నిర్ణయం తీసుకుంది. దీంతో రుణాలు, ఇఎంఐలు మరింత భారం అయ్యాయి. అయితే 7.79 శాతానికి ద్రవ్యోల్బణం పెరగడంతో ఆర్‌బిఐ మరోసారి వడ్డీ రేట్లను పెంచే అవకాశముందని నిపుణులు అంచనా వేస్తున్నారు. ఈ ఆర్థిక సంవత్సరం మొదటి ద్రవ్య విధాన సమావేశం తర్వాత ద్రవ్యోల్బణం అంచనాలను మొదటి త్రైమాసికంలో 6.3 శాతం, రెండో త్రైమాసికంలో 5 శాతం, మూడో త్రైమాసికంలో 5.4 శాతం, నాలుగో త్రైమాసికంలో 5.1 శాతానికి పెంచింది. అయితే ప్రపంచవ్యాప్తంగా ఉన్న అనేక ఆర్థిక వ్యవస్థలు ద్రవ్యోల్బణాన్ని కొలవడానికి డబ్లుపిఐ(టోకు ధర సూచీ)ని తమ ప్రాతిపదికగా పరిగణిస్తాయి. ఇది భారతదేశంలో జరగదు. భారత్‌లో డబ్ల్యుపిఐతో పాటు సిపిఐని కూడా ద్రవ్యోల్బణాన్ని చెక్ చేయడానికి స్కేల్‌గా పరిగణిస్తారు. రిటైల్ ద్రవ్యోల్బణాన్ని కొలవడానికి ముడి చమురు, వస్తువుల ధరలు, తయారీ వ్యయం వంటి అనేక ఇతర అంశాలు పరిగణనలోకి తీసుకుంచారు. ఇవి రిటైల్ ద్రవ్యోల్బణం రేటును నిర్ణయించడంలో కీలకపాత్ర పోషిస్తాయి.

Retail inflation jumps to 8-year high of 7.79% in april