Friday, March 29, 2024

హైదరాబాద్‌లో నైపుణ్య సంస్థ

- Advertisement -
- Advertisement -

Shastri Trust to set up Skill Development Institute

లాల్ బహదూర్ శాస్త్రి స్కిల్ డెవలప్‌మెంట్
ఇన్‌స్టిట్యూట్ ఏర్పాటుకు ముందుకు వచ్చిన
అనిల్ శాస్త్రి బిఆర్‌ఎకె భవన్‌లో సిఎస్,
ప్రణాళిక సంఘం వైస్ చైర్మన్
వినోద్‌కుమార్, సోమేశ్ కుమార్‌లతో చర్చలు
ప్రభుత్వపరంగా అన్ని సహాయ
సహకారాలు అందిస్తామని సిఎస్ హామీ

మన తెలంగాణ/హైదరాబాద్: రాష్ట్ర రాజధాని హైదరాబాద్‌లో మరో జాతీయ స్థాయి విద్యాసంస్థ రానున్నది. మాజీ ప్రధాన మంత్రి స్వర్గీయ లాల్ బహద్దూర్ శాస్త్రి ట్రస్ట్ ఢి ల్లీ ఆధ్వర్యంలోని నైపుణ్య అభివృద్ధి సంస్థ ( స్కిల్ డెవలప్మెంట్ ఇన్స్టిట్యూట్ ) ను హైదరాబాద్ లో ఏర్పాటు చేసేందుకు ఆ ట్రస్ట్ చైర్మన్, స్వర్గీయ లాల్ బహద్దూర్ శాస్త్రీ కుమారుడు అయిన అనిల్ శాస్త్రీ ము ందుకు వచ్చారు. రాష్ట్ర ప్రభుత్వం అమలు చేస్తున్న వినూత్న అభివృద్ధి, సంక్షేమ పథకాలు సహా విద్యా రంగానికి, నూతన ఆవిష్కరణలకు చేయూతను అందిస్తున్న నేపథ్యంలో జాతీయ స్థాయి ఈ సంస్థ హైదరాబాద్‌లో ఏర్పాటు కానుంది. ఈ సందర్భాన్ని పురస్కరించుకుని ఆ సంస్థ చైర్మన్ అనిల్ శాస్త్రీ, రాష్ట్ర ప్రణాళికా సంఘం వైస్ చైర్మన్ బోయినపల్లి వినోద్ కుమార్ రాష్ట్ర ప్రభుత్వ ప్రధాన కార్యదర్శి సోమేశ్ కుమార్‌తో మంగళవారం బిఆర్‌కె భవన్‌లో సమావేశమయ్యారు. జాతీయ స్థాయి నైపుణ్య అభివృద్ధి సంస్థ హైదరాబాద్ లో ఏర్పాటు చేసేందుకు అనిల్ శాస్త్రీ ముందుకు రావడం పట్ల సోమేశ్ కుమార్ సంతోషం వ్యక్తం చేశారు.

ఇందుకు ప్రభుత్వ పరంగా అన్ని రకాల సహాయ సహకారాలు అందిస్తామని సిఎస్ హామీ ఇచ్చారు. రాష్ట్రంలోని విద్యార్థులు, యువతకు నైపుణ్య అభివృద్ధిలో శిక్షణ ఇవ్వడమే కాకుండా వివిధ కోర్సులను ఈ జాతీయ సంస్థ నిర్వహించనుందని అనిల్ శాస్త్రీ తెలిపారు. అందుకు హైదరాబాద్ అన్ని రకాలుగా అనువైన ప్రాంతంగా తాము గుర్తించామని ఆయన అన్నారు. పలుమార్లు చర్చలు జరిపిన నేపథ్యంలో లాల్ బహద్దూర్ శాస్త్రీ నైపుణ్య అభివృద్ధి సంస్థను హైదరాబాద్ లో నెలకొల్పేందుకు అనిల్ శాస్త్రీ ముందుకు వచ్చారన్నారు. ఇది హర్షించదగిన పరిణామం అని బోయినపల్లి వినోద్ కుమార్ వ్యాఖ్యానించారు. ప్రభుత్వ పరంగా అన్ని రకాల సహకారాన్ని అందిస్తామని వినోద్ కుమార్ హామీనిచ్చారు.ఈ ట్రస్ట్ సింగపూర్ లోని ప్రతిష్టాత్మకమైన ఇన్స్టిట్యూట్ ఆఫ్ టెక్నికల్ ఎడ్యుకేషన్ ( ఐటిఇ) సంయుక్త నిర్వహణలో జాతీయ సంస్థ హైదరాబాద్ కేంద్రంగా పనిచేస్తుందని ఆ ట్రస్ట్ డైరెక్టర్ శ్రీవాస్తవ తెలిపారు.ఈ సమావేశంలో ఆ ట్రస్ట్ సలహాదారులు పాండు రెడ్డితో పాటు పలువురు పాల్గొన్నారు.

 

- Advertisement -

Related Articles

- Advertisement -

Latest News