Home జాతీయ వార్తలు ట్రిపుల్ తలాఖ్ చట్టం సమీక్షకు ‘సుప్రీం’ ఓకే

ట్రిపుల్ తలాఖ్ చట్టం సమీక్షకు ‘సుప్రీం’ ఓకే

 

న్యూఢిల్లీ: ట్రిపుల్ తలాఖ్ బిల్లును సవాలు చేస్తూ దాఖలైన పిటిషన్లపై విచారణ జరపడానికి సుప్రీంకోర్టు శుక్రవారం అంగీకరించింది. ట్రిపుల్ తలాఖ్ చట్టం అపరిమితంగా ఉండడమే కాక అత్యంత కఠినంగా ఉందన్న కారణాలతో ఈ పిటిషన్లు దాఖలయ్యాయి. ముస్లిం మహిళా(వివాహానికి సంబంధించిన హక్కుల పరిరక్షణ) చట్టం, 2019గా వ్యవహరిస్తున్న ఈ చట్టాన్ని సవాలు చేస్తూ దాఖలైన పిటిషన్లపై స్పందించవలసిందిగా కేంద్ర ప్రభుత్వాన్ని సుప్రీంకోర్టు ఆదేశించింది. ఈ పిటిషన్లను పరిశీలిస్తాతమని జస్టిస్ ఎన్‌వి రమణ, జస్టిస్ అజయ్ రస్తోగిలతో కూడిన ధర్మాసనం శుక్రవారం పిటిషనర్లలో ఒకరి తరఫున హాజరైన సీనియర్ న్యాయవాది సల్మాన్ ఖుర్షీద్‌కు తెలిపారు.

 

Triple talaq law to be reviewed by Supreme Court, notice issued to Centre, Triple talaq law to be reviewed by Supreme Court, notice issued to Centre.