మనతెలంగాణ/హైదరాబాద్: రాష్ట్రంలో కరోనా మహమ్మారి ఉధృతి, లాక్‌డౌన్ నేపథ్యంలో ఇంటర్ ప్రాక్టికల్ పరీక్షలను వాయిదా వేస్తూ బోర్డు కీలక నిర్ణయం తీసుకుంది. ఈ నెల 29వ తేదీ నుంచి జరగాల్సిన ఇంటర్ ప్రాక్టికల్స్‌ను వాయిదా వేస్తున్నట్లు ఇంటర్ బోర్డు కార్యదర్శి సయ్యద్ ఒమర్ జలీల్ ప్రకటించారు. జూన్ మొదటి వారంలో పరిస్థితి సమీక్షించి నిర్ణయం తీసుకుంటామని ఒక ప్రకటనలో పేర్కొన్నారు. ప్రాక్టికల్ పరీక్షలకు నిర్వహించే 15 రోజుల ముందు షెడ్యూల్ ప్రకటిస్తామని తెలిపారు. ఇంటర్ బోర్డు నిర్ణయంతో ఈ నెల 29 నుంచి జూన్ 7వ తేదీ వరకు జరగాల్సిన ప్రాక్టికల్స్ నిలిచిపోయాయి. వాస్తవానికి ఏప్రిల్ 7 నుంచి పరీక్షలు జరుగాల్సి ఉండగా, కరోనా కేసుల పెరుగుదల నేపథ్యంలో మే 29 – జూన్ 7వ తేదీ వరకు వాయిదా వేసిన విషయం తెలిసిందే. రాష్ట్రంలో ప్రస్తుతం లాక్‌డౌన్ కొనసాగుతున్న నేపథ్యంలో మరోసారి ప్రాక్టికల్స్‌ను వాయిదా వేస్తూ ఇంటర్ బోర్డు నిర్ణయం తీసుకుంది.
TS Inter Practical Exams 2021 postponed