Home తాజా వార్తలు 10 గంటల్లో ‘వైట్ పేపర్’ పూర్తి!

10 గంటల్లో ‘వైట్ పేపర్’ పూర్తి!

White paper Movie shooting completed with in 10 hours

‘వైట్ పేపర్’ చిత్రం కేవలం 10 గంటల వ్యవధిలో చిత్రీకరణ పూర్తిచేసుకోవడంతో ఇండియన్ బుక్ ఆఫ్ రికార్డ్ వారు అరుదైన చిత్రంగా సత్కరించారు. త్వరలో గిన్నిస్ బుక్ రికార్డ్‌లో కూడా ఈ చిత్రం ఎక్కబోతుందని తెలిపారు ఫిల్మ్‌మేకర్స్. జిఎస్‌కె ప్రొడక్షన్స్ పతాకంపై అదిరే అభి (అభినయ కృష్ణ), వాణి, తల్లాడ సాయి కృష్ణ, నేహా, నందకిషోర్ నటీనటులుగా శివ దర్శకత్వంలో గ్రంధి శివప్రసాద్ నిర్మించిన చిత్రం ‘వైట్ పేపర్’. అన్ని కార్యక్రమాలు పూర్తి చేసుకున్న ఈ చిత్రం టీజర్‌ను హైదరాబాద్‌లోని ప్రసాద్ ల్యాబ్‌లో జరిగిన కార్యక్రమంలో నటి, ఎమ్మెల్యే రోజా విడుదల చేశారు. ఈ కార్యక్రమంలో దర్శక నిర్మాత సాయి రాజేష్, నిర్మాతలు శ్రీనివాస్, శ్రీకర్, జర్నలిస్ట్ ప్రభు, తాగుబోతు రమేష్ ,హైపర్ ఆది, అదిరే అభి, పంచ్ ప్రసాద్, రాఘవ, గెటప్ శ్రీను తదితరులు పాల్గొన్నారు.

ఈ సందర్భంగా రోజా మాట్లాడుతూ “ఈ సినిమాను 10 గంటల్లో పూర్తి చేయడం అంటే మాటలు కాదు. ఆ కష్టం ఎలా ఉంటుందో నాకు తెలుసు. ఈ సినిమాకు పడిన కష్టాన్ని, కృషిని గుర్తించి మనమందరం మనస్ఫూర్తిగా అభిని, దర్శకుడిని అభినందించాలి”అని అన్నారు. హీరో అదిరే అభి మాట్లాడుతూ “మేము ఈ ప్రాజెక్టును ఛాలెంజింగ్‌గా తీసుకుని ప్రీ ప్లాన్డ్‌గా మేము ముందే రిహార్సల్ చేసుకున్నాము. షూట్‌లోకి వెళ్లిన తరువాత ఆలస్యం కాకూడదని 4 కెమెరాలతో షూట్ చేయడం జరిగింది. తెలుగులోనే కాదు ఇండియాలో కూడా ఇప్పటివరకు 10 గంటల్లో పూర్తి చేసిన సినిమాలు రాలేదు”అని చెప్పారు. – చిత్ర దర్శకుడు శివ మాట్లాడుతూ “10 గంటల్లో చేస్తే రికార్డు సృష్టించవచ్చని ఈ మూవీ చేయడం జరిగింది”అని పేర్కొన్నారు.