Thursday, January 26, 2023

వాట్సాప్ లో వేధించినోడితో…రూ. 25000 కట్టించింది…!!

- Advertisement -

Woman Forced The Man Who Harassed Her On WhatsApp To Donate Rs 25000 To Charity

ఇది మహిళా శక్తి అంటే… మహిళలంతా తమలో దాగున్న శక్తిని బయటికి తీస్తే… రిజల్ట్స్ ఇలాగే ఉంటాయి. ఆడవాళ్లపై జరిగే దాడులకు అడ్డు కట్ట వెయ్యాలంటే ఇటువంటి సంఘటనలు జరగాల్సిందే.

కేరళ లోని కొచ్చి కి చెందిన ఓ మహిళ కు రిపీటెడ్ గా ఓ రోజు అన్ నోన్ నెంబర్ నుంచి ఫోన్ కాల్స్ వచ్చాయట. చాలా సార్లు వచ్చినా తను ఎత్తలేదట. ఇక ఫోన్ కాల్స్ బాధ తట్టుకోలేక… తిరిగి ఆ నెంబర్ కు కాల్ చేసిందట.

అప్పుడు అటువైపు ఉన్న వ్యక్తి ఆమెతో అసభ్యంగా ప్రవర్తించి.. రేట్ ఎంత అని అడిగాడట. అంతే కాదు.. తన ఫోటో, రేట్, ఫోన్ నెంబర్ అన్ని వాట్సాప్ లో ఉన్నాయని.. అందుకే తాను కాల్ చేశానని ఆ వ్యక్తి చెప్పాడట.

దీంతో ఆరా తీసిన ఆ మహిళ… ఆమె వివరాలు ఓ పార్టీకి చెందిన యూత్ వింగ్ ఆధ్యక్షుడు పెట్టాడని తెలుసుకొని అతడిని కలిసి క్షమాపణ చెప్పాలని డిమాండ్ చేసిందట. అసలే మనోడు పార్టీ లీడర్… ఎందుకు చెప్తాడు సారీ.. మనోడు మొండికేయడంతో.. ఆ పార్టీ పెద్దకు మనోడి సంగతి చెప్పిందట.

మనోడిని యూత్ వింగ్ అధ్యక్ష పదవి నుంచి తీసేయాలని ఆ పార్టీ పెద్దను కోరిందట. దీంతో ఆ లీడర్ తండ్రి… మహిళ దగ్గరికి వెళ్లి క్షమాపణ చెప్పాడట. అయినప్పటికీ సంతృప్తి చెందని ఆ మహిళ ఏదైనా ఎన్జీవో కు రూ. 25000 డొనేషన్ ఇవ్వాలని డిమాండ్ చేసిందట. అలా అయితేనే దీన్ని వదిలేస్తానని.. లేదంటే లీగల్ గా వెళ్తానని ఖరాఖండిగా చెప్పేసిందట.

దిక్కుతోచని స్థితిలో ఆ లీడర్ తండ్రి ఓ ఎన్జీవోకు రూ. 25000 డొనేట్ చేసి రిసీప్ట్ ఇచ్చాక గాని శాంతించలేదట ఆ మహిళ. ఇక, ఈ విషయాలన్నింటినీ… తన ఫేస్ బుక్ పేజీలో షేర్ చేసుకుంది. ఇక చూసుకోండి.. అంతే.. అప్పటినుంచి ఈ పోస్టే సోషల్ మీడియాలో ట్రెండింగ్ పోస్ట్.

- Advertisement -

Related Articles

- Advertisement -

Latest Articles