ఆకట్టుకుంటున్న ‘మూడ్ ఆఫ్ తమ్ముడు’ కాన్సెప్ట్ వీడియో

ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ నిర్మాణంలో నితిన్ (Nithin) హీరోగా శ్రీరామ్ వేణు దర్శక త్వంలో రూపొందుతున్న ప్రతిష్టాత్మక చిత్రం ‘తమ్ముడు’. దిల్‌రాజు, శిరీష్ ఈ చిత్రాన్ని నిర్మిస్తున్నారు. ఈ చిత్రంలో లయ, వర్ష బొల్లమ్మ, సప్తమి గౌడ కీలక పాత్రలు పోషిస్తున్నారు. జూలై 4న ఈ సినిమాను రిలీజ్ చేస్తున్నట్లు ప్రకటించిన సంగతి తెలిసిందే. ఈ సందర్భంగా ‘మూడ్ ఆఫ్ తమ్ముడు’ అంటూ సినిమాలోని పాత్రల్ని పరిచయం చేశారు. ఈ చిత్రంలోని ముఖ్యమైన పాత్రలని, పాత్రలను పేర్లను తెలియజేస్తూ విడుదల చేసిన ‘మూడ్ ఆఫ్ తమ్ముడు’ అందరినీ ఆకట్టుకునేలా ఉంది. సినిమాలో సప్తమి గౌడ రత్న అనే పాత్రలో, స్వసిక గుత్తి అనే క్యారెక్టర్‌లో కనిపించబోతోన్నారు. ఇక సౌరభ్ సచ్ దేవ్ అగర్వాల్ పాత్రను పోషిస్తున్నారు. చిత్రగా వర్ష బొల్లమ్మ, ఝాన్సీ కిరణ్మయిగా లయ కనిపించబోతోన్నారు. ‘మూడ్ ఆఫ్ తమ్ముడు’ చివరలో నితిన్ ఎంట్రీ, బాణం వదిలిన తీరు అద్భుతంగా ఉంది.