చిరస్మరణీయ క్షణాలు

గ్లోబల్ స్టార్ రామ్ చరణ్, ఉపాసన కొణిదెల (Upasana Konidela) కుమార్తె క్లీంకార ఎప్పటికప్పుడు అభిమానుల మనసులను గెలుచుకుంటూ వస్తోంది. ఆమె శుక్రవారం రెండో పుట్టినరోజును జరుపుకుంది. ఈ సందర్భంగా ఆమె జీవితంలో చిరస్మరణీయ క్షణాలు చోటుచేసుకున్నాయి. గత సంవత్సరం హైదరాబాద్ జూ పార్క్‌కు వెళ్లిన సమయంలో రామ్ చరణ్, ఉపాసన, చిన్నారి క్లీంకార (Child Kalinamkara) ఒక నవజాత తెల్ల బెంగాల్ పులి పిల్లను చూశారు. ఆ ప్రత్యేక క్షణాన్ని గుర్తుగా ఉంచు తూ, జూ అధికారులు ఆ పులి పిల్లకి ‘క్లీంకార ’ అనే పేరు పెట్టారు. ఇది వారి కుటుంబం జీవుల పట్ల చూపించే ప్రేమకు ఒక చిహ్నంగా నిలిచింది. శుక్రవారం తన రెండో పుట్టినరోజు సందర్భంగా, క్లీంకార మొదటిసారిగా తన పేరును కలిగి ఉన్న తెల్ల పులిని ప్రత్యక్షంగా చూసింది. ఆ చిన్నారి, తెల్లటి పులిని మైమరచి చూడటాన్ని చూసి అంద రూ ఆనందపడ్డారు. జంతువుల పట్ల సహానుభూతి, ప్రేమను ఎప్పుడూ చూపిస్తూ ఉండే రామ్ చరణ్, ఉపాసన శుక్రవారం అధికారికంగా ఆ పులిని దత్తత తీసుకున్నారు. జూకు వారు అందిస్తున్న మద్దతు, జంతు సంరక్షణ పట్ల వారి నిబద్ధతకు ఇది నిదర్శనంగా నిలుస్తోంది.