మూడో టెస్ట్‌: వీరూ రికార్డును పంత్ బ్రేక్ చేస్తాడా..?

ఇంగ్లండ్‌తో జరుగుతున్న టెస్ట్ సిరీస్‌లో భారత వైస్ కెప్టెన్ రిషబ్ పంత్ (Rishabh Pant) మంచి ఫామ్‌లో ఉన్నాడు. జరిగిన రెండు టెస్టుల్లోనూ అదిరిపోయే ప్రదర్శన చేశాడు. అయితే లార్డ్స్ వేదికగా జరిగే మూడో టెస్ట్‌లో రిషబ్ ఓ అరుదైన రికార్డను సొంతం చేసుకొనే అవకాశం ఉంది. టెస్ట్ మ్యాచుల్లో అత్యధిక సిక్సులు కొట్టిన రికార్డు విధ్వంసకర బ్యాట్స్‌మెన్ వీరేంద్ర సెహ్వాగ్ పేరిట ఉంది. సెహ్వాగ్ 103 టెస్టుల్లో 90 సిక్సులు బాదాడు. ఆ తర్వాతి స్థానంలో రోహిత్ శర్మ ఉన్నాడు రోహిత్ 67 టెస్టుల్లో 88 సిక్సులు కొట్టాడు.

ఇక పంత్ (Rishabh Pant) కేవలం 45 టెస్ట్ మ్యాచుల్లోనే 86 సిక్సులు కొట్టాడు. ఒకవేళ మూడో టెస్ట్‌లో అతను 5 సిక్సులు కొడితే.. వీరూను దాటేస్తాడు. ఓవరాల్‌గా అయితే టెస్టుల్లో అత్యధిక సిక్సులు కొట్టింది బెన్ స్టోక్స్. స్టోక్స్ 113 మ్యాచుల్లో 133 సిక్సులు కొట్టాడు. ఈ లిస్ట్‌లో పంత్ 12వ స్థానంలో ఉన్నాడు. ఒకవేళ పంత్ ఈ మ్యాచ్‌లో ఐదు సిక్సులు కొడితే.. ఓవరాల్ జాబితాలో ఏడో స్థానానికి వెళ్లే అవకాశం ఉంది.