మన తెలంగాణ/నల్లగొండ రూరల్: నల్లగొండలో హృదయవిదారక ఘటన చో టుచేసుకుంది. ప్రియుడి మోజులో పడిన ఓ మహిళ తనకు కొడుకును బ స్టాం డ్‌లో వదిలేసి ప్రియుడితో జంప్ అ య్యింది. ఏడుస్తున్న చిన్నారిని ప్రయాణికులు గమనించి పోలీసులకు సమాచా రం అందించారు. నల్లగొండ టూ టౌన్ ఎస్‌ఐ సైదులు తెలిపిన వివరాల ప్రకా రం.. ఆదివారం జిల్లా కేంద్రంలోని ఆర్‌టిసి బస్టాండ్‌లో ఓ మహిళ తన 15 నెలల బాబును వదిలేసి.. వేరే యువకుడితో బైక్ మీద వెళ్లింది. పట్టణంలోని పాతబస్తీకి చెందిన ఒక యువకుడితో.. హైదరాబాద్‌కు చెందిన ఒక మహిళ ఇన్‌స్టాగ్రామ్ లో పరిచయం అయ్యింది. ఆమెకు పెళ్లి అయ్యి. 15 నెలల బాబు ధనుష్ ఉన్నాడు. ఈ క్రమంలోనే.. భర్తను, 15 నెలల పిల్లాడిని వదిలేసి మహిళ వెళ్లేందుకు ప్లాన్ వేసింది. డైరెక్ట్‌గా నల్లగొండ ఆర్‌టిసి బస్టాండ్‌కు బాబుతో పాటు వచ్చి.. బాబును బస్టాండ్‌లోనే వదిలేసి వెళ్ళింది.
ఆ తర్వాత.. బాలుడు తల్లి కోసం ఏడవడం చూసిన ప్రయాణికులు, డిపో సిబ్బంది.. నల్లగొండ టూ టౌన్ పోలీసులకు సమాచారం ఇచ్చారు. టూటౌన్ ఎస్‌ఐ సైదులు వెంటనే స్పందించి.. స్టేషన్‌లోని సిబ్బందిని బస్టాండ్‌కు పంపారు. పోలీసులు.. బస్టాండ్‌లోని అన్ని సిసి కెమెరాల ఫుటేజీలను పరిశీలించగా.. బైక్ మీద వెళుతున్న ఓ మహిళ వీడియోను చూసి.. ఆ బాలుడు ‘మమ్మీ‘ అంటూ గుర్తించాడు. ఆ బైక్ నెంబర్ ప్లేట్ ఆధారంగా.. విచారణ చేపట్టిన పోలీసులకు.. బైకు యజమాని నుంచి అతని స్నేహితుడు బైక్ తీసుకెళ్లినట్లు తేలింది. అటువైపుగా విచారణ చేపట్టగా.. ఇన్‌స్టాగ్రామ్‌లో పరిచయమైన యువకుడి కోసం భర్తను, పిల్లాడిని వదిలేసి వెళ్లేందుకు సిద్ధమైందని తెలిసింది. అనంతరం.. మహిళను, ఆమె ఇన్‌స్టాగ్రామ్ ప్రేమికుడిని.. ఆమె భర్తను పోలీస్ స్టేషన్‌కి పిలిపించి.. కౌన్సెలింగ్ ఇచ్చి.. తండ్రికి పిల్లాడిని అప్పగించారు. నల్లగొండ టూ టౌన్ ఎస్‌ఐ సైదులు గౌడ్, పోలీసు సిబ్బంది పనితీరుపై నల్గొండ ప్రజానీకం హర్షం వ్యక్తం చేశారు. ఈ ఘటన స్థానికంగా తీవ్ర కలకలం రేపింది. ప్రియుని కోసం ముక్కు పచ్చలారని చిన్నారిని నిర్ధాక్షిణ్యంగా బస్టాండ్‌లో వదిలి వెళ్లడం ఏమిటని సదరు మహిళపై పలువురు దుమ్మెత్తి పోస్తున్నారు.