శివ కందుకూరి హీరోగా ‘చాయ్ వాలా’ (Chai Wala) అనే చిత్రాన్ని హర్షిక ప్రొడక్షన్స్ బ్యానర్ మీద రాధా విజయలక్ష్మి, వెంకట్ ఆర్. పాపుడిప్పు భారీ ఎత్తున నిర్మిస్తున్నారు. ఈ చిత్రాని కి ప్రమోద్ హర్ష రచన, దర్శకత్వం వహించారు. బుధవారం ఈ మూవీ టీజర్‌ను రిలీజ్ చేశారు. ఈ మేరకు నిర్వహించిన టీజర్ లాంచ్ ఈవెంట్‌లో ప్రముఖ నిర్మాత రాజ్ కందుకూరి మాట్లాడుతూ .. “చాయ్ వాలా’ అందరికీ కనెక్ట్ అయ్యే టైటిల్. కథను నమ్మి ఈ ప్రాజెక్ట్‌ను చేశారు. థియేటర్లోనే వదిలేయకుండా ఇంటికి తీసుకెళ్లేలా ఉండే చిత్రాలు హిట్ అవుతాయి. ‘చాయ్ వాలా’ చిత్రాన్ని చూసిన తరువాత ఎ మోషన్‌తో బయటకు వెళ్తారు”అని అన్నారు.
శివ కందుకూరి మాట్లాడుతూ .. “ఈ చిత్రాన్ని చూసి వచ్చిన తరువాత ప్రతి ఒక్కరూ తండ్రితో కాసేపు మాట్లాడతారు. థియేటర్ నుంచి ఓ మంచి ఎమోషన్‌తోనే (good emotion) బయటకు వస్తారని మాత్రం కచ్చితంగా చెప్పగలను”అని పేర్కొన్నారు. దర్శకుడు ప్రమోద్ హర్ష మాట్లాడుతూ “నేను రాసుకున్న పాత్రలు, కథ నుంచే ‘చాయ్ వాలా’ టైటిల్‌ను తీసుకున్నాను. ప్రతీ మనిషి జీవితంలో జరిగే సంఘటనలే మా చిత్రంలో ఉంటాయి. ప్రతీ ఒక్కరికీ కనెక్ట్ అయ్యేలా మా సినిమా ఉంటుంది” అని తెలిపారు. నిర్మాత వెంకట్ ఆర్. పాపుడిప్పు మాట్లాడుతూ .. “ఈ మూవీలోని కొన్ని సీన్లను చూసినప్పుడు నా కంట్లోంచి నీళ్లు వచ్చాయి. ఇదొక సెన్సిబుల్ లవ్ స్టోరీ. అందరినీ ఆకట్టుకునేలా ఈ మూవీని తీశాము”అని తెలియజేశారు. ఈ కార్యక్రమంలో తేజు అశ్విని, రాజీవ్ కనకాల, రాజ్ కుమార్ కసిరెడ్డి పాల్గొన్నారు.