మన తెలంగాణ/ ఉమ్మడి కరీంనగర్: యూరియా ఎవరు ఇస్తే వారికి ఓటు వేస్తామని కేటీఆర్ చెప్తున్నారని..10 సంవత్సరాలు మంత్రిగా చేసిన ఆయనకు యూరియా ఎవరు ఇస్తారో తెలియదా? అని రాష్ట్ర బీసీ సంక్షేమ, రవాణా శాఖ మంత్రి పొన్నం ప్రభాకర్ ప్రశ్నించారు. యూరియా తెలంగాణ ప్రభుత్వం నుండి తయారు కాదని..ఇది ఉమ్మడిగా కూడా లేదని, యూరియా అంతా కేంద్ర ప్రభుత్వం అధీనంలో ఉంటుందన్నారు. వివక్ష పూరితంగా.. ఉద్దేశ్య పూర్వకంగా ప్రభుత్వాన్ని బదనాం చేయాలని చేస్తున్నారని మండిపడ్డారు. తెలంగాణలో ప్రజా పాలన ప్రభుత్వం ఆర్టీసీలో ఉచిత బస్సు ప్రయాణం, 200 యూనిట్ల ఉచిత విద్యుత్, 500కి గ్యాస్, నియోజకవర్గానికి 3500 ఇందిరమ్మ ఇళ్లు, సన్న బియ్యం పంపిణీ, రేషన్ కార్డులు పంపిణీ, సన్న వడ్లకు రూ.500 బోనస్, 60 వేల ఉద్యోగాలు, 9 రోజుల్లో 9 వేల కోట్ల రైతు భరోసా, 60 వేల ఉద్యోగాలు, గురుకుల మెస్ చార్జీలు పెంచామని.. ఇలాంటి అనేక సంక్షేమ కార్యక్రమాలు అభివృద్ధి చూసి ఓర్వలేకే బదనాం చేసే కుట్ర జరుగుతుందన్నారు. బిఆర్‌ఎస్ నాయకులు రైతులను భయబ్రాంతులకు గురి చేసి..రాక్షసానందం పొందుతున్నరని ఆగ్రహం వ్యక్తం చేశారు.
కేటీఆర్ భాష థర్డ్ క్లాస్‌కి మారిపోయింది
కేటీఆర్ భాష థర్డ్ క్లాస్‌కి మారిపోయిందని మాట్లాడుతున్నారని మంత్రి మండిపడ్డారు.తెలంగాణ బిడ్డగా రాజ్యాంగంలో అపార అనుభవం ఉండి, పేద గ్రామీణ వ్యవసాయం కు టుంబం నుండి వ చ్చి హైకోర్టు, సుప్రీం కోర్టు జడ్జి గా చేసిన వ్యక్తి సుదర్శన్ రెడ్డి అని పేర్కొ న్నారు. నాయకోవి ధుడు రాజ్యసభలో కూర్చుంటే రాజ్యాంగం పరిరక్షించబడుతుందన్నారు.ఉప రాష్ట్రపతి అభ్య ర్థిగా ఇండియా కూటమి సుదర్శన్ రెడ్డిని ఎంపిక చేసింది అన్నారు. గోడ మీద ఉన్న బిఆర్ ఎస్ ఈ ఎన్నికల్లో ప్రజలకు వాస్తవాన్ని చూపెట్టే ప్రయత్నం చేయాలి వాళ్ల కు అలాగే బీజేపీ వెంట వెళ్తారా…? తెలంగాణ బిడ్డ ఉప రాష్ట్రపతి గా ఇండియా కూటమి వెంట వస్తారా వారి విజ్ఞత కి వదిలేస్తున్నా..అన్నారు. మాకు బీజేపీతో ఉన్న అవగాహన కాంగ్రెస్ పార్టీని ఇలాగే తిడతార..ఎన్డిఏ అభ్యర్థికి ఓటేస్తారా అని 9 తేది తెలుస్తుందన్నారు. ఇండియా కూటమి అభ్య ర్థికి మద్దతు ఇవ్వాలని ఇప్పటికే ముఖ్యమంత్రి అన్ని పార్టీలను కో రు. సుదర్శన్ రెడ్డి తెలుగు బిడ్డ..ఆయనకు అన్ని పార్టీలు మద్దతు తెలపాలని విజ్ఞప్తి చేస్తున్న అని పేర్కొన్నారు.