- Advertisement -
న్యూఢిల్లీ : దేశీయ స్టాక్‌మార్కెట్లు బుధవారం లాభాలతో ఉత్సాహంగా కనిపించాయి. మార్కెట్ ముగిసే సమయానికి సెన్సెక్స్ 409 పాయింట్లు పెరిగి 80,567 పాయింట్లకు చేరింది. ఇక నిఫ్టీ 135 పాయింట్ల లాభంతో 24,715 పాయింట్ల వద్ద స్థిరపడింది. పతనం తర్వాత స్టాక్ మార్కెట్ పెరిగింది. 30 సెన్సెక్స్ స్టాక్‌లలో 22 స్టాక్‌లు పెరిగాయి, 8 పడిపోయాయి. టాటా స్టీల్ స్టాక్ 5.87 శాతం లాభపడింది. టైటాన్, మహీంద్రా, జొమాటోతో సహా మొత్తం 10 స్టాక్‌లు 1 శాతానికి పైగా పెరిగాయి. నిఫ్టీలోని 50 స్టాక్‌లలో 26 పెరిగాయి, 24 నష్టపోయాయి. ఎన్‌ఎస్‌ఇ లోహ సూచీ అత్యధికంగా 3.11 శాతం పెరిగింది. ఫార్మా, బ్యాంకింగ్, హెల్త్‌కేర్ కూడా 1 శాతానికి పైగా లాభపడ్డాయి. ఐటి, మీడియా సూచీలు నష్టపోయాయి.
- Advertisement -