త్రాచుపామును మెడలో వేసుకొని…. వణికించిన వృద్ధుడు (వీడియో వైరల్)

అమరావతి: కోళ్ల గంపలో ఉన్న పాము ఓ వృద్ధుడిని కాటు వేసింది. మద్యం మత్తులో వృద్ధుడు పామును మెడలో వేసుకొని హల్ చల్ చేశాడు. ఈ సంఘటన  ఆంధ్రప్రదేశ్ రాష్ట్రం డా.బి.ఆర్.అంబేద్కర్ కోనసీమ జిల్లా ముమ్మిడివరంలో జరిగింది. కోడిగుడ్డు కోసం తన ఇంటి ఆవరణలో కోళ్లను ఉంచిన గంప దగ్గరకు గొల్లపల్లి కొండ అనే వృద్ధుడిని వెళ్లాడు. గంపలో త్రాచుపాము ఉండడంతో ఆ వృద్ధుడిని కాటేసింది. మద్యం మత్తులో వృద్ధుడు తననే కాటు వేస్తావా? అని పామును పట్టుకుని మెడలో వేసుకున్నాడు.  గ్రామస్థులను భయపెడుతూ వారిపై పాము విసరడానికి ప్రయత్నించాడు. గ్రామస్థులు పాము భయంతో గజగజ వణికిపోయారు. ఆ హెచ్చరికలు లెక్కచెయ్యకుండా పామును గ్రామస్థుల పైకి వదులుతానంటూ వారిని భయపెట్టాడు. ఈ క్రమంలో మరొకసారి కొండను పాము కాటేసింది. దీంతో పామును వృద్ధుడిని నుంచి వేరుచేసి చంపేశారు. అనంతరం అతడిని స్థానిక ప్రభుత్వ ఆసుపత్రికి తరలించారు.

Also Read: జైల్లో దర్శన్ బాధలు.. కీలక ఆదేశాలు ఇచ్చిన కోర్టు