ఉటా లోని ఒరెమ్ లోని ఉటా వ్యాలీ యూనివర్సిటీలో అమెరికా ప్రెసిడెంట్ డోనాల్డ్ ట్రంప్ సన్నిహితుడు, మితవాద అమెరికన్ కార్యకర్త చార్లీ కిర్క్ పై ఓ దుండగుడు కాల్పులు జరిపాడు. మెడపై తుపాకీతో జరిపిన కాల్పులలో చార్లీ మరణించారు. కిర్క్ నిర్వహించిన ఓ కార్యక్రమంలో కాల్పులు జరిగిన క్షణంలో చిత్రీకరించిన వీడియోలు ప్రస్తుతం సోషల్ మీడియాలో చక్కర్లు కొడుతున్నాయి. హత్యకు సంబంధించి సెల్ ఫోన్ వీడియో క్లిప్ లలో కిర్క్ యూనివర్సిటీలో పెద్ద సంఖ్యలో జనాల్ని ఉద్దేశించి ప్రసంగిస్తుండగా ఒ దుండగుడి చేతిలో తుపాకీ పేలింది.ఒకే ఒక షాట్ మోగింది. కిర్క్ తన కుడిచేతిని పైకి చూపుతూ కన్పించాడు. ఆయన మెడ ఎడమవైపు నుంచి రక్తం కారుతోంది. షాక్ తిన్న ప్రేక్షకులు కేకలు పెట్టారు. చాలామంది పరుగులు పెట్టారు.
Also Read: కెటిఆర్‌కు అరుదైన గ్లోబల్ గౌరవం
పక్కనే ఉన్న తాము పడిపోయామని, ఇంతలో ఎవరో పరుగెత్తండి అనడంతో తామంతా పారిపోయామని డెచెన్ అనే యువతి తెలిపింది.దాదాపు 3 వేలమంది హాజరైన ఈవెంట్ కు వచ్చిన తాను 50 అడుగుల దూరం నుంచి కిర్క్ ను ఓ అంశంపై ప్రశ్నించి, రెండో ప్రశ్నవేసే సమయంలోనే పెద్దఎత్తున కాల్పుల శబ్దం విన్పించిందని జోర్డాన్ అనే మరో ప్రత్యక్షసాక్షి తెలిపారు. ఈ వెంట్ జరిగిన ప్రదేశంలో ఎలాంటి భద్రతా చర్యలు కానీ, కనీసం మెటల్ డిటెక్టర్ లు కూడా లేవని ప్రత్యక్షసాక్షులు తెలిపారు. బులెట్ కిర్క్ మెడకు తగిలిన వెంటనే ఆయనను అస్పత్రికి తరలించారు. కాల్పులు జరిపిన యువకుడిని భద్రతా సిబ్బంది కారువద్దకు తీసుకువెళ్లినట్లు వీడియోల రికార్డు అయింది. కాగా, కొన్ని గంటల తర్వాత ప్రెసిడెంట్ ట్రంప్ తన సోషల్ మీడియా ప్లాట్ ఫామ్ లో స్పందిస్తూ, తుపాకీ కాల్పుల పాలైన కిర్క్ చనిపోయినట్లు ధ్రువీకరించారు.