ఈనెల 24న ట్యాంక్ బండ్ పై బిసి బతుకమ్మ

జనాభాలో సగభాగానికి పైగా బిసిలు ఉంటే అందులో సగభాగ0 బిసి మహిళలు ఉన్నారని, విద్యా ఉద్యోగ రాజకీయ రంగాల్లో బిసి రిజర్వేషన్లు పెరిగితే బిసి మహిళలకు విద్యా ఉద్యోగ ఉపాధి రాజకీయ అవకాశాలు దక్కుతాయని దీంతో వెనకబడిన బిసి మహిళలకు సాధికారత దక్కుతుందని శ్రీనివాస్ గౌడ్ అన్నారు. బిసి మహిళా సంఘం రాష్ట్ర అధ్యక్షురాలు బి మణిమంజరి మాట్లాడుతూ బిసి రిజర్వేషన్ల పెంచాలని బిసిలు గత 22 నెలలుగా పోరాడుతున్నా కేంద్ర ప్రభుత్వం కనీసం స్పందించడం లేదని విమర్శించారు. మహిళా బిల్లు పేరుతో అగ్రకుల దొరల స్థానములో దొరసానులు వస్తారే తప్ప బడుగు మహిళలకు అవకాశాలు రావని ఆమె అన్నారు. చరిత్రలో మొదటిసారిగా బిసి డిమాండ్ల సాధన కోసం బిసిల బతుకమ్మ ద్వారా బిసిల గొంతుకను వినిపిస్తామని, రాజకీయాలకు అతీతంగా జరిగే ఈ బిసిల బతుకమ్మలు వేలాదిమంది బిసి మహిళలు పాల్గొని విజయవంతం చేయాలని ఆమె విజ్ఞప్తి చేశారు. ఈ సమావేశంలో బిసి సంక్షేమ సంఘం రాష్ట్ర కార్యనిర్వాక అధ్యక్షులు కుల్కచర్ల శ్రీనివాస్ ముదిరాజ్, బిసి మహిళా సంఘం రాష్ట్ర ప్రధాన కార్యదర్శి తారకేశ్వరి, కార్యనిర్వాక కార్యదర్శిలు ఏ సంధ్య రాణి, కే సుజాత, గ్రేటర్ హైదరాబాద్ అధ్యక్షులు సిద్ధాంతం శ్యామల, తదితరులు పాల్గొన్నారు.