‘కాంతార చాప్టర్ 1’ కోసం దిల్‌జిత్ సాంగ్..

డైరెక్టర్, హీరో రిషబ్ శెట్టి ‘కాంతార చాప్టర్ 1’ మ్యూజిక్ ఆల్బమ్ కోసం నేషనల్ అవార్డ్ విన్నర్, యాక్టర్, సింగర్ దిల్జిత్ దోసాంజ్‌తో చేతులు కలిపారు. ఈ సందర్భంగా ఇన్‌స్టాగ్రామ్‌లో ఓ పోస్టర్ షేర్ చేశారు. “బిగ్ బ్రదర్ రిషబ్ శెట్టి – మాస్టర్ పీస్ కాంతారను రూపొందించినందుకు సెల్యూట్. ఈ సినిమాతో నాకు వ్యక్తిగత అనుబంధం వుంది. వరాహ రూపం పాట థియేటర్లలో చూసినప్పుడు, ఆనందంతో ఏడ్చాను. అజనీష్ లోక్‌నాథ్‌కు కృతజ్ఞతలు. ఒక రోజులోనే తన నుంచి చాలా నేర్చుకున్నాను”అని దిల్జిత్ దోసాంజ్ అన్నారు. దిల్జిత్ దోసాంజ్, రిషబ్ శెట్టి పవర్‌ఫుల్ కలయిక హోంబాలే ఫిలిమ్స్ నిర్మిస్తున్న కాంతారా చాప్టర్ 1పై అంచనాలు మరింతగా పెంచింది. ఈ సినిమా విజువల్ వండర్ గా ఉండబోతోంది. హోంబాలే ఫిలిమ్స్ విజయ్ కిరగందూర్ నెక్స్ లెవెల్‌లో ఈ సినిమాను నిర్మిస్తున్నారు. కాంతారా చాప్టర్ 1 కన్నడతో పాటు తెలుగు, హిందీ, తమిళం, మలయాళం, బెంగాళీ, ఇంగ్లీష్‌లో అక్టోబర్ 2న గ్రాండ్ గా విడుదల కానుంది.