యంగ్ హీరో అక్కినేని అఖిల్ పాన్ ఇండియా ప్రాజెక్ట్ ‘లెనిన్’ చిత్రా న్ని దర్శకుడు మురళీ కిషోర్ అబ్బూరి(నందు) డైరెక్షన్‌లో చేస్తున్నాడు. ఇప్పటికే, 80 శాతం షూటింగ్‌ను పూర్తి చేసుకున్న ఈ సినిమా పోస్ట్ ప్రొడక్షన్ వర్క్ కూడా ఇప్పటికే మొదలైంది. ప్రస్తుతం ఈ సినిమా క్లైమాక్స్‌ను షూట్ చేయడానికి సన్నాహాలు చేస్తున్నారు. ఈ క్లైమాక్స్ షూట్ పూర్తి అయ్యాక, అఖిల్ తన పాత్రకు డబ్బింగ్‌ను కూడా పూర్తి చేస్తారట. ఈ క్లైమాక్స్ షూట్‌ను ఈ నెల చివరలో తీసే అవకాశం ఉంది. ఈ సిని మా.. రాయలసీమ బ్యాక్ డ్రాప్‌తో చిత్తూరు ప్రాంతం నేపథ్యంలో తెరకెక్కుతోంది. అఖిల్ పాత్ర కూడా పూర్తిగా చిత్తూరు యాసలోనే ఉండబోతుంది.
ఇక ఈ సినిమాలో అందాల భామ శ్రీలీల హీరోయిన్‌గా నటిస్తోంది. ఈ చిత్ర యూ నిట్ అనుకుంటున్న ప్లాన్ ప్రకారం ఈ చిత్రాన్ని నవంబర్ 14న రిలీజ్ చేయాలని ప్లాన్ చేస్తున్నా రు. ఇక సినిమాపై భారీ అంచనాలు ఉన్నాయి. ముఖ్యంగా అఖిల్‌శ్రీలీల కలయికలో లవ్ సీన్స్ చాలా బాగుంటాయట. ఈ చిత్రాన్ని అఖిల్ సొంత నిర్మాణ సంస్థ అయిన అన్నపూర్ణ స్టూడియోస్‌తో పాటు, విజయవంతమైన చిత్రాలను నిర్మిస్తున్న సితార ఎంటర్టైన్మెంట్స్ బ్యానర్లపై, అక్కినేని నాగార్జున, నాగ వంశీ సంయుక్తంగా నిర్మిస్తున్నారు.