కమేడియన్ ప్రవీణ్ ప్రధాన పాత్రలో రూపొందుతున్న చిత్రం ‘బకాసుర రెస్టారెంట్’. (Bakasura Restaurant)ఈ చిత్రంలో వైవా హర్ష టైటిల్ రోల్‌లో నటిస్తున్నారు. కృష్ణభగవాన్ ,షైనింగ్ ఫణి, కేజీఎఫ్ గరుడరామ్ ఇతర ముఖ్య పాత్రలో యాక్ట్ చేస్తున్నారు. ఎస్‌జే శివ దర్శకుడిగా పరిచయం కాబోతున్న ఈ చిత్రాన్ని ఎస్‌జే మూవీస్ పతాకంపై లక్ష్మయ్య ఆచారి, జనార్థన్ ఆచారి నిర్మిస్తున్నారు. చిత్రీకరణ పూర్తిచేసుకున్న ఈ చిత్రం విడుదలకు సిద్ధమైంది. హంగర్ కామెడీ ఎంటర్‌టైనర్‌గా రూపొందుతున్న ఈ చిత్రం ట్రైలర్‌ను విడుదల చేశారు మేకర్స్. ఈ కార్యక్రమానికి ప్రముఖ దర్శకుడు మారుతి ముఖ్య అతిథిగా విచ్చేసి ట్రైలర్‌ను విడుదల చేశారు. ఈ సందర్భంగా మారుతి మాట్లాడుతూ “ఈ సినిమాకు టైటిల్‌తోనే విజయం సాధించారు.
మంచి టైటిల్ పెట్టారు. సినిమా కూడా బాగుంటుందనే ఫీల్ కలుగుతుంది. ఈ సినిమా తప్పకుండా విజయం సాధించి ఈ సినిమా యూనిట్ అందరికి మంచి పేరు తీసుకురావాలని కోరుకుంటున్నాను”అని అన్నారు. ప్రవీణ్ మాట్లాడుతూ “బకాసుర రెస్టారెంట్ త్వరలో మీ ముందుకు రాబోతుంది. మా ట్రైలర్ మారుతి చేతుల మీదుగా విడుదల కావడం హ్యపీగా ఉంది”అని తెలిపారు. దర్శకుడు ఎస్‌జే శివ మాట్లాడుతూ “బకాసుర రెస్టారెంట్ చిత్రంతో ప్రవీణ్‌ను హీరోగా పరిచయం చేయడం ఆనందంగా ఉంది. వైవా హర్ష టైటిల్ రోల్‌లో నటిస్తున్నాడు. ఇలాంటి కథతో ఇప్పటి వరకు తెలుగులో సినిమా రాలేదు”అని పేర్కొన్నారు. వైవా హర్ష మాట్లాడుతూ “ఈ సినిమా అందరికి బెంచ్ మార్క్ ఫిల్మ్ అవుతుంది. కుటుంబంతో కలిసి అందరూ చూడదగ్గ చిత్రమిది”అని తెలియజేశారు. ఈ కార్యక్రమంలో నిర్మాత జనార్థన్ ఆచారి పాల్గొన్నారు.