Home కలం తెలంగాణ జాబిలి..!

తెలంగాణ జాబిలి..!

Former Mp Kavitha,

 

హో.. యమ్మా యమ్మా … యమ్మా యమ్మా.. యమ్మా….
రంగుల సింగిడి నీవమ్మా …. నీవమ్మా…
ప్రకృతి దేవత నీవమ్మా…. పూవమ్మా…
తెలంగాణ జాబిలివమ్మా … బతుకమ్మా…. బతుకమ్మా….
నింగినుండి తారలన్నీ…నేలకు దిగివచ్చీ…
పూలవనంగా మారీ… బతుకమ్మలో చేరెనూ… పండుగయ్యి నిలిచెనూ…
తెలంగాణ పల్లెల వైభవం చాటెనూ………2
ఆ.ఆ.ఆ.ఆ.ఆ.ఆ… ఆ.ఆ.ఆ.ఆ.ఆ.ఆ..
ఓ.ఓ.ఓ.ఓ.ఓ.ఓ…. ఓ.ఓ.ఓ.ఓ.ఓ.ఓ….
పుడమి పులకరించేలా… వాన చినుకులొచ్చీ…
సెలయేరై పారీ… చెరువులన్ని నిండెనూ…
రైతు మనసు నిండెనూ…
తెలంగాణ పల్లెలన్ని పరవశమే చెందెనూ……….. 2
ఆ.ఆ.ఆ..ఆ.ఆ.ఆ… ఆ.ఆ.ఆ.ఆ.ఆ.ఆ.
ఓ.ఓ.ఓ.ఓ.ఓ.ఓ… ఓ.ఓ.ఓ.ఓ.ఓ.ఓ…
ఎంగిలి పూల బతుకమ్మతొ భాగ్యములివ్వంగా…..
తెలంగాణ తల్లికీ హారతులివ్వంగా……..
బతుకమ్మ పండుగ సంబరమే మొదలాయే………… 2
రంగు రంగుల పూలు…. గునుగు తంగెడు పూలు…
తాంబాలంల పరిచి…. వరుసా వరుసకు పేర్చి
గుమ్మడి పూవుల్ల.. గౌరీ రూపం దాల్చి..
చిక్కుడు ఆకుల్ల.. గౌరమ్మనూ జేసి..
భక్తితో పూజించి.. పప్పూ పలారం బెట్టి..
పట్టూ బట్టలు కట్టీ.. పడతులంతా మురిసీ..
కిలకిల నవ్వులతో.. అడుగేసి ఆడంగ..
అందెలా సవ్వడులే.. గలగల మోగంగ..
ఊరు వాడా అంతా పూల జాతరే ఆయే……….. 2
తొమ్మిది రోజుల పండుగలో రంగు రంగుల పూలన్నీ…
పడతుల చేతుల్లో బతుకమ్మలైనాయే……
బతుకమ్మల చుట్టు చేరి పాటలే పాడుతుంటే…
తెలంగాణ పల్లెలన్నీ పరవశించిపోయినాయీ…….. 2
ఊరూరా బతుకమ్మలే బంధాలే నిలిపినయీ…
ఉయ్యాలో…….. పూల జాతరే ఉయ్యాలో………….. 2
హొయ్యాలో……. తెలంగాణ జాతరే హొయ్యాలో……….. 2
పూసేటి పూవుల్లో – కాసేటి కాయల్లో – పండేటి పండుల్లో…
మా యింటి యెన్నెలై బతుకమ్మా…..
చల్లంగ చూడవే మాయమ్మా…….
ఆశలే పండంగ – అతివలే మురువంగ మురిసేటి మురిపెంలో..
ముత్యంల బతుకివ్వు గౌరమ్మా…..
బతుకులో తోడుండు మాయమ్మా…..
ఆడేటి ఆటల్లొ – పాడేటి పాటల్లొ పలికేటి మాటల్లో…
సౌభాగ్యములివ్వు ఓయమ్మా…….
బంధాలు నిలుపవే మాయమ్మా…….
పసిపాప నవ్వుల్లొ – చిన్నారి మనసుల్లొ జీవ ధారగ నిలిచి
కాంతులె నింపాలె ఓయమ్మా ……..
వెలుగులె నింపాలె మాయమ్మా…….
నింగిలో తారలూ.. నీటిలో మెరువంగ…..1,3
ఎదురొచ్చి గంగమ్మ స్వాగతమె యీయంగ ….. 2,4
బైలెల్లీనావా నువు బతుకమ్మా.. బైలెల్లినావా తల్లి బతుకమ్మా…
గంగమ్మ జతగూడ.. పోయిరా మాయమ్మ
గంగమ్మ జతగూడ.. పోయిరా మాయమ్మ
బంధాలే నిలుపంగ… మళ్ళేడు రావమ్మా
మమ్ము కాపాడంగ మళ్ళేడు రావమ్మా… 2

Bathukamma songs