ఐఆర్‌సిటిసి తెలంగాణ, ఎపి రాష్ట్రాల నుండి భరత్ గౌరవ్ టూరిస్ట్ రైలు జ్యోతిర్లింగ సహిత దివ్య దక్షిణ్ యాత్ర ను నడపనుంది. ఈ రైలు జులై 19న సికింద్రాబాద్ రైల్వే స్టేషన్ నుండి ప్రారంభమవుతుందని దక్షిణ మధ్య రైల్వే వెల్లడించింది. జ్యోతిర్లింగ సహిత దివ్య దక్షిణ్ యాత్ర పర్యటనను ఐఆర్‌టిసి ప్రకటించింది. ఈ రైలు తిరువణ్ణామలైలోని అరుణాచలం ఆలయాన్ని కవర్ చేస్తుంది; రామేశ్వరంలో రామనాథస్వామి ఆలయం, మధురై వద్ద మీనాక్షి అమ్మన్ ఆలయం, రాక్ మెమోరియల్, కన్యాకుమారిలోని కుమారి అమ్మన్ ఆలయం, త్రివేండ్రంలోని శ్రీ పద్మనాభ స్వామి ఆలయం, తిరుచ్చిలోని శ్రీ రంగ నాథ స్వామి ఆలయం, తంజావూరులోని బృహదీశ్వరాలయం. కవర్ చేస్తుంది. తెలంగాణలోని జనగాం, కాజీపేట, వరంగల్, మహబూబాబాద్, ఖమ్మం, మధిర వంటి ముఖ్యమైన స్టేషన్లలో బోర్డింగ్,
డి-బోర్డింగ్ సౌకర్యం అందించబడింది, ఎపిలోని విజయవాడ, తెనాలి, ఒంగోలు, నెల్లూరు, గూడూరు, రేణిగుంట స్టేషన్లలో ఆగుతుంది. యాత్ర మొత్తం 7 రాత్రులు , 8 పగళ్ల వ్యవధిలో కవర్ చేయబడుతుంది. ఇందులో అన్ని ప్రయాణ సౌకర్యాలు (రైలు, రోడ్డు రవాణా సహా), వసతి సౌకర్యం, క్యాటరింగ్ ఏర్పాట్లు (ఉదయం టీ, అల్పాహారం, భోజనం, రాత్రి భోజనం – ఆన్-బోర్డ్, ఆఫ్-బోర్డ్ రెండూ) ఉన్నాయి. రైలులో భద్రత (అన్ని కోచ్‌లలో సిసిటివి), అన్ని కోచ్‌లలో పబ్లిక్ అనౌన్స్‌మెంట్ సౌకర్యం, ప్రయాణ బీమా, సహాయం కోసం ప్రయాణం అంతటా టూర్ మేనేజర్ల ఉనికి ఉంటుంది. ఈ యాత్ర జులై 19 నుండి 26 వరకు కొనసాగుతుంది. బుకింగ్ కోసం 040-27702407, 9701360701, 9281495845, 9281495843 నంబర్లలో సంప్రదించాలని సూచించారు. ఆన్‌లైన్ బుకింగ్‌ల కోసం: www.irctctourism.com ను ఉపయోగించుకోవచ్చన్నారు.