చిక్కక చిక్కిన గుమ్మ..

తోట శ్రీకాంత్ కుమార్ రచన, దర్శకత్వంలో పప్పు బాలాజీ రెడ్డి నిర్మాతగా మహాలక్ష్మి ప్రొడక్షన్స్ బ్యానర్ పై త్వరలో ప్రేక్షకుల ముందుకు రానున్న చిత్రం థాంక్యూ డియర్.(Thank you dear) ధనుష్ రఘుముద్రి, హెబ్బా పల్, రేఖా నిరోషా ముఖ్యపాత్రల్లో నటిస్తున్నారు. ఇటీవలే ఈ చిత్ర టీజర్ ను సెన్సేషనల్ డైరెక్టర్ వివి వినాయక్ లాంచ్ చేయడం జరిగింది. కాగా సోమవారం ఈ చిత్రంలోని తొలి గీతం ‘చిక్కక చిక్కిన గుమ్మ’ను రాకింగ్ స్టార్ మంచు మనోజ్ చేతుల మీదగా లాంచ్ చేయడం జరిగింది. ఈ పాటను నిర్మాత బాలాజీ రెడ్డి స్వయంగా రాయగా శ్రీచరణ్ ఈ పాటకు తన స్వరాన్ని జోడించారు. ఈ సందర్భంగా మంచు మనోజ్ మాట్లాడుతూ (Manchu Manoj said) థాంక్యూ డియర్ చిత్రం గొప్ప విజయం సాధించాలని మనస్పూర్తిగా కోరుకుంటున్నానని అన్నారు. ఈ కార్యక్రమంలో హీరో ధనుష్ రఘుముద్రి, నిర్మాత బాలాజి రెడ్డి, సంగీత దర్శకుడు సుభాష్ ఆనంద్, లైన్ ప్రొడ్యూసర్ పునీత్ పాల్గొన్నారు.