మ్యాన్ ఆఫ్ మాసెస్ ఎన్టీఆర్ ఇటీవల వార్ 2 సినిమా పూర్తి చేసుకున్నారు. హృతిక్ రోషన్ తో కలిసి ఎన్టీఆర్ లీడ్ రోల్ లో నటించిన ఈ సినిమా ఆగస్టు 14న ప్రపంచవ్యాప్తంగా విడుదల కానుంది. ఈ సినిమా విడుదల తర్వాత ఆయన ప్రశాంత్ నీల్ తెరకెక్కిస్తున్న ‘ఎన్టీఆర్, నీల్’ ప్రాజెక్ట్ షూటింగ్ లో పాల్గొంటారు. ఈ సినిమా 2026 జూన్‌లో విడుదల కానున్నట్లు మేకర్స్ ఇప్పటికే ప్రకటించారు. అందుకే ఎన్టీఆర్ వరుస షెడ్యూళ్లలో ఈ సినిమా చిత్రీకరణ పూర్తి చేస్తారు. వచ్చే ఏడాది ప్రారంభంలోనే ఇది పూర్తి చేస్తారని తెలిసింది. ఈ సినిమా తర్వాత త్రివిక్రమ్ ప్రాజెక్ట్ లైన్ లో ఉంది. త్రివిక్రమ్ దర్శకత్వం వహించనున్న భారీ బడ్జెట్ పౌరాణిక సినిమా ప్రీ ప్రొడక్షన్ పనులు ప్రారంభమయ్యాయి. ఇది 2026 ద్వితీయార్థంలో ప్రారంభం కానుంది. ఇవే కాకుండా జైలర్ ఫేమ్ నెల్సన్ దిలీప్ తోనూ ఎన్టీఆర్ సినిమా చేయనున్నారు.
అయితే ఈ ప్రాజెక్ట్ ఎప్పుడు ప్రారంభమవుతుందో తెలియాల్సి ఉంది. అయితే వీటితోపాటు ఆయన దేవర 2 కూడా చేయాల్సి ఉంది. గత ఏడాది దేవర తొలి పార్ట్ మంచి విజయం అందుకుంది. ఇక రెండో భాగాన్ని తెరకెక్కించాల్సి ఉంది. దేవర సీక్వెల్ ఖచ్చితంగా ఉంటుందని ఆ మధ్య ఎన్టీఆర్ ప్రకటించారు. ఈ సీక్వెల్ కోసం అటు కొరటాల శివ కూడా స్క్రిప్ట్‌ను పూర్తి చేసి ఎన్టీఆర్ కోసం ఎదురు చూస్తున్నారు. కానీ ఇది ఎప్పుడు ప్రారంభమవుతుందో ఖచ్చితంగా చెప్పలేని పరిస్థితి ఉంది. వరుస ప్రాజెక్టులు లైన్ లో ఉండటంతో కొరటాల శివకు ఎన్టీఆర్ ఎప్పుడు డేట్స్ ఇస్తారో అని ఆసక్తిగా ఎదురుచూస్తున్నారు. అయితే త్రివిక్రమ్ సినిమా ఆలస్యం అయితే, దేవర 2 సినిమా షూటింగ్ పూర్తి చేయడానికి ఎన్టీఆర్ కు వచ్చే ఏడాది తగినంత సమయం ఉంటుంది.
ఇప్పుడు త్రివిక్రమ్..వెంకటేష్ తో ఫ్యామిలీ ఎంటర్‌టైనర్ తెరకెక్కించనున్నారు. ఈ సినిమాను త్వరగా పూర్తి చేసి 2026 వేసవిలో విడుదలకు చేయాలని ప్లాన్ చేస్తున్నారు. దీని తర్వాత, త్రివిక్రమ్… ఎన్టీఆర్ సినిమా ప్రీ ప్రొడక్షన్ పనులపై దృష్టి పెట్టాల్సి ఉంది. ఈ మధ్యలో దేవర 2 సినిమా కోసం తారక్ కు దాదాపు తొమ్మిది నెలల సమయం లభిస్తుంది. ఈ గ్యాప్‌లో దేవర 2 పూర్తి చేసేందుకు సన్నాహాలు చేస్తున్నారని సమాచారం.