నిర్మల్ జిల్లాలో భారీ వర్షాలతో ప్రమాదకరంగా కల్లూర్–కుంటాల రోడ్డు
అందకూర్ అలుగు వద్ద భారీగా కోతకు గురైన రహదారి
రాకపోకలు నిలిచిపోయే పరిస్థితులు
ఉమ్మడి ఆదిలాబాద్ జిల్లాలో రెండు రోజులుగా ఎడతెరిపి లేకుండా వర్షాలు కురుస్తున్నాయి. నిర్మల్ జిల్లాలోని కుంటాల మండల పరిధిలోని కల్లూర్–కుంటాల రహదారి మార్గం ప్రమాదకరంగా మారింది. బుధవారం రాత్రి కురిసిన భారీ వర్షాలతో రహదారి మార్గంలోని అందకూర్ అలుగు ఉధృతంగా ప్రవహించడం మూలంగా అక్కడి ప్రాంతంలోని రోడ్డు భారీ పరిమాణంతో కోతకు గురైంది. రోడ్డుకు ఒక వైపు అధిక భాగం కోతకు గురికావడం మూలంగా రాకపోకలకు నిలిచిపోయే పరిస్థితులు నెలకొన్నాయి. మరో వైపు వంతెనపై భారీ బుంగ ఏర్పడింది. దీంతో ద్విచక్రవాహానాలు, ఆటోలు మినహా ఇతర వాహనాల రాకపోకలు చేపట్టే పరిస్థితులు లేకుండా పోయాయి.
వర్షం పరిస్థితి ఇలాగే కొనసాగితే కల్లూర్–కుంటాల రోడ్డు మార్గంలో పూర్తి స్థాయిలో రవాణాకు ఆటంకం కలిగే పరిస్థితులున్నాయి. అంతే కాకుండా ఆ మార్గంలో రాకపోకలు పూర్తిగా నిలిచే పరిస్థితులు నెలకొని ఉన్నాయి భారీ వర్షం కురవడంతో వెంకూర్ లోవెల్ వంతెన సైతం ఉధృతంగా ప్రవహిస్తుంది అదేవిధంగా పంటలు నీట మునిగిపోయాయి సోయా పత్తి పంటలు నీట మునిగిపోవడంతో నెలకొరిగి పోయాయి భారీ వర్షానికి పంటలు దెబ్బతినడంతో రైతుల ఆందోళన చెందుతున్నారు. ఎడతెరిపి లేకుండా లేకుండా కురుస్తున్న అతి భారీ వర్షం.