ఐటెల్ కంపెనీ తన తాజా బడ్జెట్ స్మార్ట్ఫోన్ విడుదల చేసింది. కంపెనీ ఐటెల్ సిటీ 100 పేరిట దీని లాంచ్ చేసింది. రూ.8000లోపు స్మార్ట్ఫోన్ కొనుగోలు చేయాలనుకునేవారికి ఇది ఉత్తమ ఎంపిక. ఈ ఫోన్ లో యూనిసోక్ T7250 ఆక్టా-కోర్ ప్రాసెసర్ ను అమర్చారు. 5200mAh బిగ్ బ్యాటరీతో వస్తున్న ఈ ఫోన్ ధర, ఫీచర్ల గురించి తెలుసుకుందాం.
ధర
ఈ ఫోన్ ధరను కంపెనీ రూ. 7,599గా నిర్ణయించింది. ఈ పరికరం ఫెయిరీ పర్పుల్, నేవీ బ్లూ, ప్యూర్ టైటానియం రంగుల్లో లభిస్తుంది. దేశవ్యాప్తంగా ఉన్న ఆఫ్‌లైన్ రిటైల్ స్టోర్‌లలో ఈ ఫోన్ అందుబాటులో ఉంది. ప్రత్యేకంగా ఈ ఫోన్ కొనుగోలుతో వినియోగదారులకు రూ. 2,999 విలువైన మాగ్నెటిక్ స్పీకర్ ఉచితంగా అందిస్తోంది. అంతేకాకుండా 100 రోజుల ఉచిత స్క్రీన్ రీప్లేస్‌మెంట్ కూడా అందుబాటులో ఉంది.
ఫీచర్లు
ఈ ఫోన్‌లో 6.75 అంగుళాల HD+ IPS డిస్‌ప్లే కలిగి ఉంటుంది. 90Hz రిఫ్రెష్ రేట్, 700 నిట్స్ బ్రైట్‌నెస్ అందించారు. పరికరంలో 4GB రియల్, 8GB వర్చువల్ RAMను అందించారు. దీని వలన ఈ ఫోన్ మొత్తం RAM 12GB వరకు పెరుగుతుంది. ఫోన్ Android 14 OS పై పని చేస్తుంది. ఐవానా 3.0 AI అసిస్టెంట్ తో వస్తుంది.
ఈ ఫోన్ లో 13MP రియర్ కెమెరా,8MP ఫ్రంట్ కెమెరా ఉన్నాయి. 18W ఫాస్ట్ ఛార్జింగ్ సపోర్ట్ తో 5200mAh బ్యాటరీ కలిగి ఉంది. సైడ్ మౌంటెడ్ ఫింగర్ ప్రింట్ సెన్సార్, ఫేస్ అన్‌లాక్, డ్యూయల్ బ్యాండ్ Wi-Fi, IR బ్లాస్టర్, IP64 రేటింగ్ (డస్ట్ & వాటర్ రెసిస్టెంట్) వంటి అదనపు ఫీచర్లు ఇందులో ఉన్నాయి.