బాపట్ల జిల్లాలో భారీ చోరీ..

కంటెయినర్ నుంచి రూ.1.85 కోట్ల విలువైన 255 ల్యాప్‌ట్యాప్‌లు మాయం
మన తెలంగాణ/హైదరాబాద్ : ఎపిలోని బాపట్ల జిల్లా కొరిశపాడు మండలం మేదరమెట్ల వద్ద భారీ చోరీ జరిగింది. కంటెయినర్ లారీ నుంచి దాదాపు 255 ల్యాప్‌ట్యాప్‌లను దుండగులు అపహరించారు. ముంబై నుంచి చెన్నైకి ఓ కంపెనీకి చెందిన ఎలక్ట్రానిక్ వస్తువులు నాలుగు కంటైనర్లలో తరలిస్తున్నారు. ఈ క్రమంలో అద్దంకి మండలం చిన్నకొత్తపల్లి వద్ద కంటెయినర్ అలారం బ్రేక్ అయినట్లు కంపెనీ ప్రతనిధులకు సమాచారం అందింది. ఈ ఘటన శనివారం చోటు చేసుకోగా కంటైనర్‌ను అక్కడే వదిలేసి లారీ డ్రైవర్, క్లీనర్ ఉడాయించారు. ఈ ఘటనపై కంపెనీ ప్రతినిధులు ఆదివారం మేదరమెట్ల పోలీసులకు ఫిర్యాదు చేశారు. నిందితులను పట్టుకునేందుకు ప్రత్యేక బృందాలను ఏర్పాటు చేస్తామని చీరాల డిఎస్పీ మెయి న్ తెలిపారు. చోరీకి గురైన ల్యాప్‌ట్యాప్‌ల విలువ రూ.1.85 కోట్లు ఉంటుందని కంపెనీ ప్రతినిధులు వెల్లడించారు.