మాడ్రిడ్ (స్పెయిన్): మాడ్రిడ్‌లో జరిగిన ఆర్చరీ ప్రపంచ కప్ 2025లో భారత ఆర్చర్లు రిషబ్ యాదవ్, జ్యోతి సురేఖ వెన్నం సరికొత్త ప్రపంచ రికార్డును నెలకొల్పారు. కాంపౌండ్ మిక్స్‌డ్ టీమ్ ఈవెంట్‌లో వారు 70 Xలతో 1431 పాయింట్లు సాధించి, 2023లో క్రాకో-మలోపోల్స్కా యూరోపియన్ గేమ్స్‌లో 1429 పాయింట్లు సాధించిన డెన్మార్క్‌కు చెందిన టాంజా గెల్లెంథియన్, మాథియాస్ ఫుల్లెర్టన్ పేరిట ఉన్న రికార్డును బద్దలు కొట్టారు.
కాంపౌండ్ పురుషుల అర్హత రౌండ్‌లో యాదవ్ 716 పాయింట్లు సాధించి అగ్రస్థానాన్ని దక్కించుకున్నాడు. 10-రింగ్‌లోని 72 బాణాలలో 68 పాయింట్లు సాధించాడు. ఇది అంతర్జాతీయ ఈవెంట్‌లో అతని వ్యక్తిగత ఉత్తమ ప్రదర్శన. షాంఘై లెగ్‌లో మేలో జరిగిన మ్యాచ్‌లో యాదవ్ తన తొలి ప్రపంచ కప్ కాంస్య పతకాన్ని కూడా గెలుచుకున్నాడు.
ఆసియా క్రీడల ఛాంపియన్ అయిన సురేఖ విషయానికొస్తే, ఆమె కాంపౌండ్ మహిళల అర్హత ఈవెంట్‌లో 35 Xs సహా 715 పాయింట్లతో టాప్ సీడ్‌గా నిలిచింది. రిషబ్ లాగే, ఈ ప్రదర్శన కూడా ఆమె వ్యక్తిగత అత్యుత్తమ ప్రదర్శన. ఈ విజయంతో యాదవ్, జ్యోతి.. గ్వాంగ్జు 2025 ప్రపంచ ఆర్చరీ ఛాంపియన్‌షిప్‌లో భారత జట్టుకు అర్హత సాధించారు.