మన తెలంగాణ/హైదరాబాద్: జపనీస్ సెమీకండక్టర్ సాంకేతిక పరిజ్ణానానికి తెలంగాణ ముఖద్వారంగా అభివృద్ధి చెందుంతోందని ఐటీ, పరిశ్రమల మంత్రి దుద్దిళ్ల శ్రీధర్ బాబు వెల్లడించారు. సెమీకండకర్ల తయారీలో కీలకమైన కెమికల్, మెకానికల్ పాలిషింగ్ (సిఎంపి) టెక్నాలజీని స్థానికంగా అం దుబాటులోకి తెచ్చేందుకు జపాన్‌కు చెందిన టోహో కోకి సెయిసాకుషో సంస్థ ముందుకు రావడం పట్ల ఆయన హర్షం వ్యక్తం చేశారు. భారత్‌లో తొలిసారి సిఎంపి ప్యాడ్ హబ్‌ను రూ.8 కోట్ల వ్యయంతో ఆ సంస్థ ఏర్పాటు చేస్తోంది. ఈ మేరకు టోహో కోకి సెయిసాకుషో, టి- వర్క్ మధ్య అవగాహ న ఒప్పందరం (ఎంఓయూ) కుదిరిందని శ్రీధర్ బాబు తెలిపారు. దేశంలో నే అతి పెద్ద ఫోటో టైపింగ్ కేంద్రం టి వర్క్‌ను జపనీస్ సంస్థ భాగస్వామిగా ఎంపిక చేసుకోవడం పట్ల ఆయన హర్షం వ్యక్తం చేశా రు. విద్యార్థులు, పరిశోధకులు, అంకుర సంస్థలకు ఈ ప్యాడ్ హబ్ ఎంతో ఉపయోగపడుతుందని ఆయన వివరించారు. సి ఎంపి సేవలు అవసరమైన పరిశ్రమలు ఈ సదుపాయాన్ని వినియోగించుకోవచ్చునని తెలిపారు.
సెమీ కండక్టర్ పరిశ్రమకు విడిభాగాలు అందించే చిన్న మధ్య తరహా పరిశ్రమలు ఈ సదుపాయాన్ని వినియోగించుకుని తెలంగాణ ప్రతిష్టను పెంచాలని ఆ యన కోరారు. జపనీస్ పరిశ్రమలు, అం కుర సంస్థలు, పరిశోధకుల కోసం టి- వర్క్‌లో ప్రత్యేకంగా ఒక ‘సెంటర్ ఆఫ్ ఎక్సెలెన్సును’ నెలకొల్పనున్నట్టు శ్రీధర్ బా బు తెలిపారు. ఈ సాంకేతికత అందుబాటులోకి వచ్చిన తర్వాత ఇక్కడ శిక్షణ పొం దిన వారు స్థానికంగా సిఎంపి ప్యాడ్ లను సొంతగా తయారు చేయగలిగే పరిజ్ణానం పొందగలుగుతారని చెప్పారు. దీని కోసం తొలుత ఒకటి లేదా రెండు చిన్న, మధ్య తరగతి పరిశ్రమలను ఎంపిక చేసి శిక్షణ అందిస్తామని శ్రీధర్ బాబు వెల్లడించారు. ఈ రంగంలో 200- నుంచి 300 మంది సాంకేతిక నిపుణులను తయారు చేయడం తమ లక్ష్యమని అన్నారు. దేశం సిఎంపి ప్యాడ్‌ల ఉత్పత్తిలో స్వావలంబన సాధించేందుకు తెలంగాణ పాటు పడుతుందని పేర్కొన్నారు. ప్రస్తుతం దేశంలో సిఎంపి ప్యాడ్లను ఉత్పత్తి చేసే పరిశ్రమలు లేకపోవడం వల్ల ఏటా రూ.100 కోట్ల విలువైన దిగుమతులు చేసుకుంటున్నట్టు వెల్లడించా రు. అవగాహన ఒప్పంద కార్యక్రమంలో టోహో కోకి సంస్థ గ్లోబల్ బిజినెస్ హెడ్ ట కుయా నిషిమురా, టి- వర్క్ సిఇఓ జోగిందర్ తనికెళ్ల తదితరులు పాల్గొన్నారు.