స్టార్ హీరోయిన్ త్రిష (Trisha) కెరీర్ ప్రారంభించి దాదాపు 20 ఏళ్ల కావొస్తున్నా ఆమెకున్న క్రేజ్ ఏమాత్రం తగ్గలేదు. అయితే త్రిష గురించి ఎన్నో రూమర్స్ వచ్చాయి. అందులో ప్రధానంగా ఆమె పెళ్లి గురించి చాలా రూమర్స్ వచ్చిన సంగతి తెలిసిందే. అయితే తాజాగా ఆమె ఓ స్టార్ హీరోతో ప్రేమలో ఉందని పుకార్లు వినిపిస్తున్నాయి. ఆ హీరోతో కలిసి దిగిన ఫోటోని షేర్ చేస్తూ బర్త్‌డే విషెస్ చెప్పడం.. దాన్ని ఆమె తల్లి షేర్ చేస్తూ.. హార్ట్ సింబల్ జోడించడంతో ఈ వార్తలకు ఊతాన్నిచ్చాయి.
అయితే తాజాగా త్రిష (Trisha) పెట్టిన స్టోరీ ఆమె ప్రేమలో ఉన్నారనే విషయాన్ని మరింత బలపరుస్తోంది. ‘ప్రేమలో మునిగితే అది కొందరిని తికమక చేస్తుంది’ అంటూ త్రిష తన ఇన్‌స్టాగ్రామ్‌లో స్టోరీ పెట్టారు. దీంతో త్రిష ప్రేమలో ఉన్నారనే విషయాన్ని ఈ స్టోరీ స్పష్టం చేస్తోందని ఫ్యాన్స్ భావిస్తున్నారు. గతంలో ఎప్పుడు పెళ్లి గురించి రూమర్స్ వచ్చిన త్రిష వాటిని ఖండిస్తూ వచ్చింది. తను పెళ్లి చేసుకుంటే అధికారికంగా ప్రకటిస్తానని ఆమె చెప్పుకొచ్చింది. మరి ఇప్పుడు ప్రేమ గురించి స్టోరీలు పెట్టడం చూస్తే.. త్వరలోనే ఆమె నుంచి ప్రకటన వస్తుందని అభిమానులు ఎదురు చూస్తున్నారు.
కాగా, ఈ ఏడాది త్రిష చేతి సినిమాలతో బిజీగా ఉంది. ఇప్పటికే ఐడెంటిటీ, గుడ్‌ బ్యాడ్ అగ్లీ, విదాముయార్చి సినిమాలతో ఆమె ప్రేక్షకులను పలకరించింది. ప్రస్తుతం ఆమె మెగాస్టార్ చిరంజీవి నటిస్తున్న ‘విశ్వంభర’, తమిళ స్టార్ హీరో సూర్య నటిస్తున్న ‘కరుప్పు’ సినిమాలు చేస్తోంది.