కేరళ తీరానికి అతి పెద్ద నౌక

ప్రపంచంలోనే అతి పెద్ద సరుకు రవాణా నౌక, భారతదేశ ప్రతిష్టాత్మక ఎంఎస్‌సి ఇరినా సోమవారం కేరళ తీరంలోని విజింజం అంతర్జాతీయ రేవుకు చేరుకుంది. సరకుల రవాణా సమర్థతలో ఇది ఇతర నౌకల కన్నా చాలా ముందుంది. తెల్లవారుజామున ఈ కంటైనర్ షిప్ ఇక్కడికి చేరిన విషయాన్ని రేవు అధికారులు మీడియాకు తెలిపారు. ఈ కంటైనర్ షిప్ వెడల్పు 399. 9 మీటర్లు. కాగా వెడల్పు 61.3 మీటర్లు. ఈ విధంగా ఇది అంతర్జాతీయ ప్రామాణిక స్థాయి ఫుట్‌బాల్ మైదానం కంటే మించి ఉంటుంది. ఒక్కరోజు ఈ షిప్ ఇక్కడి రేవులో ఉంటుంది.

ఇది ఇక్కడికి చేరుకోగానే పోర్టు అధికారులు, సిబ్బంది సాంప్రదాయక జల అభివాదాల ఘట్టం చేపట్టారు. ఎంఎస్‌సి ఇర్నాను ప్రధాని మోడీ మే 2వ తేదీన లాంఛనంగా ఆవిష్కరించారు. ఈ భారీ స్థాయి నౌక వాహక సామర్థం 24, 346 టిఇయూలు ఉంటుంది. సముద్ర జలాల ద్వారా సాగే అంతర్జాతీయ వ్యాపారంలో భారతదేశ కీలక పాత్రకు ఈ భారీ నౌక ప్రతీకగా నిలిచింది. కేరళ తీరానికి ఈ భారీ నౌక రావడం రాష్ట్రానికి చారిత్రక క్షణం అని ముఖ్యమంత్రి పినరయి విజయన్ స్పందించారు. ఈ నౌకకు కేరళ సాదర స్వాగతం పలుకుతోందన్నారు.