Monday, April 22, 2024

వంద రోజులు పూర్తయిన అమలుకాని ఆరు గ్యారంటీలు:బండి సంజయ్

- Advertisement -
- Advertisement -

వంద రోజుల్లో ఆరు గ్యారంటీలను అములు చేస్తామని చెప్పుకున్న కాంగ్రెస్ ప్రభుత్వం వంద రోజులు గడిచినా ఎందుకు హామీలను అమలు చేయలేదని బిజెపి జాతీయ ప్రధాన కార్యదర్శి, కరీంనగర్ ఎంపి బండి సంజయ్ కుమార్ మండి పడ్డారు. ‘ప్రజాహిత యాత్ర’లో భాంగంగా కరీంనగర్ నియోజకవర్గం, ఇల్లంతకుంట మండలం, రేపాక, సోమారంపేట, వెంకట్రావ్‌పల్ల్లె, ఇల్లంతకుంట, వంతడ్పుల, కందికట్కూర్, పొత్తూరు గ్రామాలలో ఆయన శుక్రవారం పర్యటించారు. ఈ సందర్భంగా ఇల్లంతకుంటలో ఏర్పాటు చేసిన కార్నర్ మీటింగ్‌లో బండి సంజయ్ మాట్లాడుతూ…ప్రజలను మభ్యపెట్టి సాధ్యం కాని హామీలను ఇచ్చి కాంగ్రెస్ ప్రభుత్వం అధికారంలోకి వచ్చిందని ధ్వజమెత్తారు. రైతు భరోసా రూ.15 వేలు , పింఛన్ రూ.4 వేలు, 500లకే సీలిండర్, ప్రతి మహిళకు రూ.2500లు ఎందుకు ఇవ్వలేదని ప్రశ్నించారు. తెలంగాణ రాష్ట్ర అభివృద్ధి కోసం కేంద్ర ప్రభుత్వం రూ.850 కోట్ల నిధులు విడుదల చేసినందుకు ధన్యవాదాలు తెలిపారు. హకరించిన రాష్ట్ర ప్రభుత్వానికి బండి థ్యాంక్స్ తెలిపారు.

బిఆర్‌ఎస్ ప్రభుత్వ హయాంలో ప్రజలను దోచుకోవడమే లక్షంగా పాలన కొనసాగించారన్నారు. గొర్రెల స్కీం పేరిట కోట్ల రూపాయాలు దండుకున్నారన్నారు. కేంద్ర ప్రభుత్వ నిధులతో అన్ని గ్రామాలలో అభివృద్ధి పనులు జరిగితే , బిఆర్‌ఎస్ వాళ్లు తామే చేశామని సంకలు గుద్దుకున్నారన్నారు. ప్రధాని నరేంద్రమోడీ వచ్చాక పంట మద్దతు ధర పెరిగిందని, యూరియా బ్యాగు అసలు ధర రూ.2500 ఉంటే , రైతులకు సబ్సిడీపై కేవలం రూ.250లకే అందిస్తున్నామని అన్నారు. కాంగ్రెస్ ప్రభుత్వం ప్రజలకు ఇచ్చిన హామీలన్నింటినీ నెరవేర్చాలని, లేనిపక్షంలో ప్రజల నుండి తిరుగుబాటు తప్పదన్నారు. చాలా గ్రామాల్లో పంట పొలాలు ఎండిపోతున్నా సాగునీరందించడంతో కాంగ్రెస్ ప్రభుత్వం విఫలమైందన్నారు. పార్లమెంట్ ఎన్నికల్లో కాంగ్రెస్, బిఆర్‌ఎస్‌కు బుద్ధి చెప్పాలని ప్రజలకు పిలుపునిచ్చారు.

కాగా వివిధ గ్రామాలలో కుల సంఘాల వారికి అభివృద్ధి పనుల కోసం ప్రొసీడింగ్ బాండ్‌లను ఆయన పంపిణీ చేశారు. ఇటీవల విద్యుత్ షాక్‌తో మృతి చెందిన బిజెపి సీనియర్ నాయకుడు రంగు రమేష్ కుటుంబాన్ని బండి సంజయ్ పరామర్శించి ప్రగాఢ సానుభూతి తెలిపారు. ఈ కార్యక్రమంలో అసెంబ్ల్లీ ప్రభారి బొమ్మ జయశ్రీ, పార్టీ జిల్లా ప్రధాన కార్యదర్శి రెడ్డవేని గోపి, తదితరులు పాల్గొన్నారు.

- Advertisement -

Related Articles

- Advertisement -

Latest News