Tuesday, December 6, 2022

ప్రజల జీవితాన్ని తెరపై చూపించే కథ

- Advertisement -

వర్సటైల్ హీరో అల్లరి నరేష్ ఎన్నికల అధికారిగా నటిస్తున్న సోషల్ డ్రామా మూవీ ’ఇట్లు మారేడుమిల్లి ప్రజానీకం’. ఏ ఆర్ మోహన్ దర్శకత్వం వహిస్తున్న ఈ చిత్రాన్ని జీ స్టూడియోస్ తో కలిసి హాస్య మూవీస్‌పై రాజేష్ దండా నిర్మిస్తున్నారు. ఆనంది కథానాయిక. ఈ నెల 25న సినిమా థియేటర్లలో విడుదలవుతున్న నేపధ్యంలో ఈ చిత్రం ప్రీరిలీజ్ ఈవెంట్‌ను గ్రాండ్‌గా నిర్వహించారు.

హీరో శ్రీవిష్ణు ముఖ్య అతిధిగా పాల్గొన్నారు. దర్శకులు ఇంద్రగంటి మోహన్ కృష్ణ, తిరుమల కిషోర్, విఐ ఆనంద్, విజయ్ కనకమేడల, వశిష్ట, రామ్ అబ్బరాజు, నిర్మాతలు సతీష్ వర్మ, అభిషేక్ అగర్వాల్ అతిధులుగా హాజరయ్యారు. ఈ వేడుకలో సూపర్ స్టార్ కృష్ణకి చిత్ర యూనిట్ నివాళులు అర్పించింది. ఈ సందర్భంగా హీరో అల్లరి నరేష్ మాట్లాడుతూ..“ఇది సీరియస్ సినిమా అని చాలా మంది అనుకుంటారు కానీ కాదు. ఇందులో 40 శాతం కామెడీ వుంటుంది. 60 శాతం ఎమోషన్ వుంటుంది. సినిమా అద్భుతంగా వచ్చింది.

అన్ని భాషలలో ఆకట్టుకునే సత్తా వున్న సినిమా ఇది. ఇక్కడ విజయం సాధించిన తర్వాత మోహన్ దర్శకత్వంలోనే హిందీలో కూడా ఈ సినిమా చేయాలి” అని అన్నారు. చిత్ర దర్శకుడు ఏఆర్ మోహన్ మాట్లాడుతూ “ప్రజల జీవితాన్ని తెరపై చెప్పాలనే కోరికే ’ఇట్లు మారేడుమిల్లి ప్రజానీకం’ కథ. అల్లరి నరేష్, ఆనంది చాలా అద్భుతంగా నటించారు”అని చెప్పారు. చిత్ర నిర్మాత రాజేష్ దండా మాట్లాడుతూ ఈ నెల 25న విడుదలవుతున్న ఈ సినిమాను అందరూ థియేటర్లలో చూసి నా మొదటి ప్రయత్నాన్ని ఆశీర్వదించాలని కోరుతున్నానని తెలిపారు. ఈ వేడుకలో ఆనంది, శ్రీచరణ్ పాకాల, చోటా కే ప్రసాద్, జెమిని సురేష్, శ్రీతేజ్, అప్పాజీ, రవి వర్మ, సుబ్బు, బ్రహ్మ కడలి, కుమరన్, షానీ, ఖయ్యుం, కాసర్ల శ్యామ్, ప్రవీణ్ తదితరులు పాల్గొన్నారు.

‘Itlu Maredumilli Niyojakavargam’ pre release

Related Articles

- Advertisement -

Latest Articles