ఆర్ఆర్ఆర్ సినిమా గురించి మనం ఎంత మాట్లాడిన తక్కువే అవుతుంది. మన తెలుగు సినిమా ఖ్యాతిని శిఖరం పై కూర్చోబెట్టి భారతీయ సినిమా సత్తా ఏంటో ప్రపంచానికి చాటి చెప్పింది ట్రిపుల్ ఆర్ సినిమా.
యాంట్-మ్యాన్ అండ్ ది వాస్ప్: క్వాంటుమానియా లో సూపర్ విలన్ కాంగ్ ది కాంకరర్ పాత్రను పోషించబోతున్న ప్రతిభావంతుడైన నటుడు జోనాథన్ మేజర్స్ భారతీయ చిత్రాల గురించి ఆసక్తికరమైన విషయాలను పంచుకున్నారు. ఇటీవల ఇండియన్ మీడియాకు ఇచ్చిన ఇంటర్వ్యూలో, జోనాథన్ తాను భారతీయ సినిమాకు అభిమానినని మరియు బ్లాక్ బస్టర్ చిత్రం RRRని చూశానని పేర్కొన్నాడు.
అతను RRR చూశారా, అని అడిగినప్పుడు, SS రాజమౌళి చిత్రమైన RRR కాంగ్ ది కాంకరర్ దృష్టిని ‘జయించిందని’ చెప్పడం విశేషం. నేను RRR సినిమాను చాలాసార్లు చూశాను. ఈ సినిమాను మూడుగంటల పాటు ఆస్వాదించగలిగాను.
ఇద్దరు నటులను (జూనియర్ ఎన్టీఆర్ మరియు రామ్ చరణ్) తెరపై చూడటం నాకు చాలా నచ్చింది” అని జోనాథన్ చెబుతూ, చివరిగా “ఇంకా అద్భుతమైన భారతీయ సినిమాలను చూడటానికి తను సిద్ధంగా ఉన్నాను” అంటూ చెప్పుకొచ్చారు.
జోనాథన్ మేజర్స్ చేసిన ఈ ప్రకటన ప్రపంచ స్థాయిలో భారతీయ సినిమాకు గౌరవాన్ని మరియు ప్రజాదరణను పెంచుతుంది అనడానికి నిదర్శనం. మార్వెల్ స్టూడియోస్ ఇండియా ఫిబ్రవరి 17, 2023న ఆంగ్లం, హిందీ, తమిళం మరియు తెలుగు భాషలలో యాంట్-మ్యాన్ మరియు ది వాస్ప్: క్వాంటుమేనియా యాన్ ఎపిక్, సైన్స్ ఫిక్షన్ అడ్వెంచర్‌ను విడుదల చేస్తుంది.