మైమరపించే ‘షుగర్ బేబీ..’

యూనివర్సల్ హీరో కమల్ హాసన్ గ్యాంగ్‌స్టర్ యాక్షన్ డ్రామా ‘థగ్ లైఫ్’  (Thug Life)లోని మ్యూజికల్ యూనివర్స్ మరింత స్వీట్‌గా మారింది. మణిరత్నం దర్శకత్వంలో తెరకెక్కుతున్న ఈ పాన్ ఇండియా మూవీ సింగిల్ ‘షుగర్ బేబీ’ రిలీజ్ అయ్యింది. ఆస్కార్ విజేత ఏఆర్ రెహమాన్ స్వరపరిచిన ఈ పాట ఆడియన్స్ మనసుల్ని కొల్లగొట్టింది. రెహమాన్ సంగీతం మ్యాజికల్‌గా వుంది. సాఫ్ట్, మెలోడిక్ బీట్స్ కట్టిపడేసింది. అలెగ్జాండ్రా జాయ్, శుభ, నకుల్ అభ్యంకర్ తమ గాత్రంతో సాంగ్‌ని మరింత లైవ్లీగా మార్చారు. అనంత శ్రీరామ్ రాసిన సాహిత్యం అదిరిపోయింది. లిరిక్స్ మనసులో నిలిచిపోయేలా వున్నాయి. త్రిష కృష్ణన్ మైమరపించే అందంతో కనువిందు చేసింది. ఆమె లుక్స్, గ్రేస్ అన్నీ కలసి తెరపై మ్యాజిక్ ని సృష్టించాయి. రాజ్ కమల్ ఫిలిమ్స్ ఇంటర్నేషనల్, మద్రాస్ టాకీస్, రెడ్ జెయింట్ మూవీస్ సంయుక్తంగా నిర్మిస్తున్న ఈ చిత్రం జూన్ 5 న ప్రపంచవ్యాప్తంగా విడుదల కానుంది. తెలుగు రాష్ట్రాల్లో ఈ చిత్రాన్ని శ్రేష్ట్ మూవీస్ అధినేత ఎన్. సుధాకర్ రెడ్డి గ్రాండ్‌గా విడుదల చేస్తున్నారు.