Thursday, March 28, 2024

‘లవ్ యూ రామ్’ నుంచి ‘ఉండాలని ఉందీ నీతో సాంగ్’ విడుదల..

- Advertisement -
- Advertisement -

క్లాసిక్ ఫ్యామిలీ ఎంటర్‌టైనర్‌లతో ఆకట్టుకున్న దర్శకుడు కె దశరథ్ అందిస్తున్న కథతో తెరకెక్కుతున్న చిత్రం ‘లవ్ యూ రామ్’. ఈ చిత్రానికి డివై చౌదరి దర్శకత్వం వహిస్తున్నారు. డివై చౌదరి, కె దశరధ్ కలిసి మన ఎంటర్‌టైన్‌మెంట్స్, శ్రీ చక్ర ఫిలింస్ బ్యానర్‌లపై ఈ చిత్రాన్ని నిర్మిస్తున్నారు. రోహిత్ బెహల్, అపర్ణ జనార్దనన్ జంటగా నటిస్తున్నారు. ఇప్పటికే విడుదలైన ఫస్ట్ లుక్, టీజర్ వీడియోకు అద్భుతమైన రెస్పాన్స్ వచ్చింది.

తాజాగా ఈ చిత్రం నుంచి ‘ఉండాలని ఉందీ నీతో’ పాటని విడుదల చేశారు. కె వేద ఈ పాటని లవ్లీ మెలోడీగా కంపోజ్ చేయగా.. తేలు విజయ, దీప్తి పార్థసారథి తమ గానంతో మైమరపించారు. వరికుప్పల యాదగిరి అందించన సాహిత్యం కథానాయిక మనసులోని భావాలని అందంగా ఆవిష్కరించింది. రోహిత్ బెహల్, అపర్ణ జనార్దనన్ ల కెమిస్ట్రీ ఆకట్టుకుంది.
సుధాకర్ బొర్రా (టేనస్సీ), డి నాగేశ్వర్ రావు సహ నిర్మాతలుగా వ్యవహరిస్తున్న ఈ చిత్రానికి కిషోర్ గోపు, శివ మొక్క స్క్రీన్ ప్లే అందించారు. ప్రవీణ్ వర్మ మాటలు రాశారు. సాయి సంతోష్ కెమరామెన్ గా, ఎస్.బి ఉద్ధవ్ ఎడిటర్ గా పని చేస్తున్నారు.

- Advertisement -

Related Articles

- Advertisement -

Latest News