Home తాజా వార్తలు భార్యను హత్య చేసి కొవిడ్ మరణంగా చిత్రీకరణ

భార్యను హత్య చేసి కొవిడ్ మరణంగా చిత్రీకరణ

భార్యప్రవర్తనపై అనుమానంతో హత్య
ఆటోడ్రైవర్‌ను అరెస్టు చేసిన రాచకొండ పోలీసులు
అనుమానంతో ఫిర్యాదు చేసిన బాధితురాలి తల్లి
వివరాలు వెల్లడించిన సిపి మహేష్ భగవత్

మన తెలంగాణ/సిటీబ్యూరో: అనుమానంతో భార్యను హత్య చేసి కొవిడ్ మృతిగా నమ్మించేందుకు యత్నించిన నిందితుడిని రాచకొండ పోలీసులు అరెస్టు చేశారు. నేరెడ్‌మెట్‌లోని రాచకొండ పోలీస్ కమిషనరేట్‌లో శనివారం ఏర్పాటు చేసిన విలేకరుల సమావేశంలో సిపి మహేష్ భగవత్ వివరాలు వెల్లడించారు. నల్గొండ జిల్లా, పిఎ పల్లికి చెందిన విజయ్‌కు మిర్యాలగూడ మండలం సీత్యాతండాకు చెందిన కవితతో వివాహం జరిగింది. విజయ్ ఆటో నడుపుతుండడంతో వనస్థలిపురంలోని వైదేహీనగర్‌లో నివాసముంటున్నాడు. భార్య కవిత రోజు మొబైల్‌లో మాట్లాడుతుండడంతో విజయ్ అనుమానం పెంచుకున్నాడు.

ఆమెను ఎలాగైనా హతమార్చాలని ప్లాన్ వేశాడు. గత నెల 18వ తేదీన తెల్లవారుజామున ఇంట్లో నిద్రిస్తున్న భార్య ముఖంపై దిండుతో అదిమిపెట్టి ఊపిరాడకుండా చేసి హతమార్చా డు. ఆ తర్వాత కవిత కరోనాతో మృతిచెందిందని ఆమె తల్లిదండ్రులకు చెప్పాడు. అనంతరం వనస్థలిపురం నుంచి మృతదేహాన్ని ఆటోలో కవిత మృతదేహాన్ని నల్గొండ జిల్లా పిఎ పల్లికి తీసుకుని వెళ్లాడు. కవిత కొవిడ్‌తో మృతి చెందిందని, ఎవరూ దగ్గరకు రావద్దని చెప్పి అందరినీ దూరంగా ఉంచాడు.

విజయ్ ప్రవర్తనపై అనుమానం వచ్చిన కవిత తల్లి, తమ కు మార్తె కొవిడ్‌తో చనిపోలేదని, విజయ్ హత్యచేసి ఉంటాడని స్థానిక పోలీసులకు ఫిర్యాదు చేసింది. వెంటనే సంఘటనా స్థలానికి చేరుకున్న పోలీసులు మృతదేహాన్ని పోస్టుమార్టంకు పంపించారు. పోస్టుమార్టంలో కవిత ఊపిరి ఆడకపోవడంతో మృతిచెందిందని వైద్యులు నిర్ధారించారు. దీంతో విజయ్‌ను అదుపులోకి తీసుకున్న పోలీసులు తమదైన శైలిలో విచారించగా అసలు విషయం బయటపడింది. కవిత తరచూ మొబైల్‌లో మాట్లాడుతుండడంతో అనుమానంతో హత్య చేశానని విజయ్ అంగీకరించాడు. నిందితుడిని అరెస్టు చేసి రిమాండ్‌కు తరలించామని సిపి మహేష్ భగవత్ తెలిపారు.

మృతదేహాన్ని బయటికి తీసి పోస్టుమార్టం

కవిత అంత్యక్రియలు పూర్తయిన తర్వాత ఆమె మీదపడి ఏ డ్చిన వారికి ఎవరికీ కొవిడ్ రాకపోడంతో ఆమె తల్లి ధనావత్ బుజ్జీకి అనుమానం వచ్చింది. అంత్యక్రియలు ముగిసిన ఆరు రోజుల తర్వాత బుజ్జీ పోలీసులకు ఫిర్యాదు చేసింది. వెంటనే పోలీసులు స్థానిక తహసిల్దార్ ప ర్యవేక్షణలో మృతదేహాన్ని బయటికి తీసి వైద్యులతో పోస్టుమార్టం చేయించారు. ఇందులో ఊపిరాడక చేయడంతో మృతిచెందినట్లు వైద్యులు తే ల్చారు. వెంటనే విజయ్‌ను అదుపులోకి తీసుకుని విచారించగా అసలు విషయం బయటపడింది.