Tuesday, April 23, 2024

ఎపి రాజకీయాల్లో డ్రగ్స్‌ కాక.. పేర్ని నాని సంచలన వ్యాఖ్యలు

- Advertisement -
- Advertisement -

అమరావతి: విశాఖపట్నంలో 25 వేల కిలోల మాదక ద్రవ్యాలను సిబిఐ స్వాధీనం చేసుకోవడం కలకలం రేపింది. దీని వెనుక వైఎస్సార్‌సీపీ నేతల హస్తం ఉందని తెలుగుదేశం పార్టీ నేతలు ఆరోపిస్తున్నారు. ఈ నేపథ్యంలో చంద్రబాబు నాయుడు తప్పుడు వ్యాఖ్యలు చేసినందుకు ఆయనపై చర్యలు తీసుకోవాలని డిమాండ్ చేస్తూ వైఎస్సార్సీపీ నేతలు రాష్ట్ర ఎన్నికల ప్రధాన అధికారికి ఫిర్యాదు చేశారు.

మాజీ మంత్రి పేర్ని నాని మీడియాతో మాట్లాడుతూ.. డ్రగ్స్ దందాలో ఉన్న కంపెనీలకు తెలియకుండానే చంద్రబాబు నాయుడు వైఎస్సార్సీపీపై విషం చిమ్ముతున్నారని విమర్శించారు. సీబీఐ పెదవి విప్పకముందే చంద్రబాబు బయటకు వచ్చారని, చంద్రబాబు కుటుంబానికి, పిల్లలకు ఈ కంపెనీలతో సంబంధాలున్నాయని ఆయన ఆరోపించారు. చంద్రబాబు, లోకేష్‌లపై విచారణ జరిపించాలని ఎన్నికల సంఘాన్ని అభ్యర్థించారు.

చంద్రబాబు గతంలో సింగపూర్ నుంచి మంత్రిని తీసుకొచ్చారని, ఇప్పుడు జైలులో ఉన్నారని పేర్ని నాని ప్రస్తావించగా, అంతర్జాతీయ మాఫియాలతో సంబంధాలు పెట్టుకున్న చరిత్ర ఆయనదని విమర్శించారు. రాజకీయాల కోసం ఏ స్థాయికైనా దిగజారేందుకు చంద్రబాబు సిద్ధపడడాన్ని ఖండిస్తున్నామని, ఓట్ల కోసం మందుకొట్టే టీడీపీని అడ్డుకోవాలని ఎన్నికల కమిషన్‌ను కోరారు. చంద్రబాబు సతీమణి భువనేశ్వరి ఎన్నికల కోడ్‌ ఉల్లంఘించి చెక్కుల పంపిణీ చేశారని, ఆమెపై చర్యలు తీసుకోవాలని పేర్ని నాని డిమాండ్‌ చేశారు. శుక్రవారం ఉదయం నుంచి విశాఖపట్నం కంటైనర్‌ టెర్మినల్‌లో విచారణ కొనసాగింది.

- Advertisement -

Related Articles

- Advertisement -

Latest News