Tuesday, December 6, 2022

అదానీ భారీ ‘ఎఫ్‌పిఒ’ ప్లాన్

- Advertisement -

న్యూఢిల్లీ: అదానీ గ్రూప్ చైర్మన్ గౌతమ్ అదానీకి చెందిన కంపెనీ అదానీ ఎంటర్‌ప్రైజెస్ ఫాలో- ఆన్ పబ్లిక్ ఆఫర్ (ఎఫ్‌పిఒ)కి రావచ్చు. కంపెనీ తన ఎఫ్‌పిఒ ద్వారా దాదాపు రూ.20,000 కోట్లను మార్కెట్ నుంచి సమీకరించేందుకు సిద్ధమవుతోంది. కంపెనీ నిధులను సేకరించేందుకు నవంబర్ 25న అహ్మదాబాద్‌లో బోర్డు సమావేశాన్ని ఏర్పాటు చేసింది. దీనిలో పబ్లిక్ ఆఫర్, ప్రిఫరెన్షియల్ అలాట్‌మెంట్ లేదా రెండింటి ద్వారా నిధులను సమీకరించాలని యోచిస్తోంది. అదానీ ఎంటర్‌ప్రైజెస్ ఎఫ్‌పిఒ భారతదేశ స్టాక్ మార్కెట్ చరిత్రలో ఒక కంపెనీ ప్రారంభించిన అతిపెద్ద ఎఫ్‌పిఒ అవుతుంది.

ఎఫ్‌పిఒని తీసుకువచ్చే కంపెనీ ఎల్లప్పుడూ మార్కెట్ నుండి ఎఫ్‌పిఒ ద్వారా దాని ప్రస్తుత ధర స్థాయి నుండి తగ్గింపుతో డబ్బును సేకరిస్తుంది. బిఎస్‌ఇ డేటా ప్రకారం, అదానీ ఎంటర్‌ప్రైజెస్‌లో ప్రమోటర్లు 72.63 శాతం వాటాను కలిగి ఉన్నారు. స్టాక్‌లో పబ్లిక్ ఫ్లోట్‌ను పెంచడంలో ఎఫ్‌పిఒ సహాయం చేస్తుంది. అదానీ ఎంటర్‌ప్రైజెస్ మార్కెట్ క్యాప్ పరంగా దేశంలోని టాప్ 10 కంపెనీలలో ఉంది. అయితే పబ్లిక్ ఫ్లోట్ హోల్డింగ్ 27.37 శాతం మాత్రమే, ఇది రిలయన్స్ ఇండస్ట్రీస్, అదానీ ఎంటర్‌ప్రైజెస్ పరిమాణంలోని ఇతర కంపెనీలతో పోలిస్తే చాలా తక్కువ, రిలయన్స్ ఇండస్ట్రీస్‌లో పబ్లిక్ ఫ్లోట్ 49.43 శాతంగా ఉంది.

 

 

Related Articles

- Advertisement -

Latest Articles