Home తాజా వార్తలు అందుకే ‘డిఎస్‌జె’ చేశా

అందుకే ‘డిఎస్‌జె’ చేశా

Interview with Heroine Natti Karuna

 

నిర్మాత నట్టికుమార్ కుమార్తె నట్టి కరుణ ప్రధాన పాత్రలో తెరకెక్కిన చిత్రం ‘డిఎస్‌జె‘(దెయ్యంతో సహజీవనం). నట్టికుమార్ దర్శకత్వంలో నట్టీస్ ఎంటర్‌టైన్‌మెంట్స్ పతాకంపై నట్టి లక్ష్మి సమర్పణలో నట్టి క్రాంతి ఐదు భాషల్లో నిర్మించిన ఈ చిత్రం విడుదలకు సన్నద్ధమవుతోంది. తెలుగుతో పాటు హిందీ, తమిళం, కన్నడ, మలయాళం భాషలలో ఈ చిత్రాన్ని ఈనెల 28న థియేటర్లలో విడుదల చేయబోతున్నారు. ఈ సందర్భంగా కథానాయిక నట్టి కరుణ మీడియాతో మాట్లాడుతూ “నటిగా తొలి సినిమాను ఎవరైనా ప్రేమ కథలనే ఎంచుకుంటారు. అలాకాకుండా నటనకు పూర్తి అవకాశం ఉన్న పాత్ర చేయాలనే ఉద్దేశ్యంతో ‘దెయ్యంతో సహజీవనం’ సినిమా చేశాను. ఈ కథలో కొంచెం లవ్ కూడా ఉంటుంది. అలాగే యాక్షన్, మధ్య తరగతి అమ్మాయిగా మరో కోణం కూడా ఈ కథలో కనిపిస్తుంది.

హైదరాబాద్‌లో జరిగిన వాస్తవ కథ ఇది. అయితే కథనంలో కొన్ని ట్విస్ట్‌లు ఉంటాయి. ఎవరూ ఊహించిన విధంగా సినిమా ఉంటుంది. ఈ సినిమాలో అమ్మవారికి, దెయ్యం మధ్య జరిగే సన్నివేశాలు హైలైట్ అవుతాయి. ఈ సినిమా చేయడం ఛాలెంజింగ్‌గా అనిపించింది. ఐదు అంతస్తుల పైనుంచి దూకడం, కారు గిర్రున తిరగడం… వంటివి ఛాలెంజింగ్‌గా అనిపించాయి. ఈ సినిమాలో రెండు పాటలుంటాయి. నటనకంటే డాన్స్ చేయడం కష్టమనిపించింది. ఎందుకంటే కాశ్మీర్‌లో మైనస్ డిగ్రీల ఉష్ణోగ్రతలో సాంగ్ చేసేటప్పుడు కాళ్లు సహకరించలేదు”అని అన్నారు.