వరుస హిట్స్‌తో దూసుకుపోతున్న హీరో నాగ చైతన్య తన 22వ సినిమా కోసం ఏస్ డైరెక్టర్ వెంకట్ ప్రభుతో చేతులు కలిపారు. తెలుగు, తమిళ భాషల్లో ఈ చిత్రం గ్రాండ్‌గా రూపుదిద్దుకోనుంది. శ్రీనివాస సిల్వర్ స్క్రీన్ బ్యానర్‌పై పవన్ కుమార్ సమర్పణలో శ్రీనివాస చిట్టూరి ఈ కమర్షియల్ ఎంటర్‌టైనర్‌ను నిర్మించనున్నారు. కృతిశెట్టి ఈ చిత్రంలో నాగ చైతన్యకి జోడిగా నటిస్తున్నారు. నాగచైతన్య, వెంకట్ ప్రభు, కృతి శెట్టి ఈ ముగ్గురి క్రేజీ కాంబినేషన్‌లో తెరకెక్కనున్న ఈ భారీ ప్రాజెక్ట్ కోసం ప్రేక్షకులు ఎంతో ఆసక్తితో ఎదురుచూస్తున్నారు. ఈ చిత్రానికి దిగ్గజ సంగీత దర్శకులైన తండ్రీ కొడుకులు ఇళయరాజా, యువన్ శంకర్ రాజా సంగీతం అందించడం మరో విశేషం. వారిద్దరు కలిసి సంగీతం చేస్తున్న మొదటి చిత్రమిది. ఈ చిత్రం గురువారం హైదరాబాద్‌లో పూజా కార్యక్రమాలతో ఘనంగా ప్రారంభమైంది. ఈ లాంచ్ ఈవెంట్‌కి చిత్ర యూనిట్‌తో పాటు సౌత్ సెలబ్రిటీలు శివ కార్తికేయన్, గంగై అమరన్, యువన్ శంకర్ రాజా, ప్రేమ్‌జీ హాజరయ్యారు.
లీడ్ పెయిర్‌పై చిత్రీకరించిన ముహూర్తపు సన్నివేశానికి మాస్ డైరెక్టర్ బోయపాటి శ్రీను క్లాప్ ఇవ్వగా, పాన్ ఇండియా స్టార్ రానా దగ్గుబాటి కెమెరా స్విచ్చాన్ చేశారు. ప్రముఖ నటుడు, దర్శకుడు భారతి రాజా, ‘ది వారియర్‘ దర్శకుడు ఎన్.లింగుసామి, బూరుగుపల్లి శివరామకృష్ణ స్క్రిప్ట్‌ను మేకర్స్‌కి అందజేశారు. ఇంకా పేరు పెట్టని ఈ చిత్రం నాగ చైతన్య మొదటి తమిళ చిత్రం కాగా, వెంకట్ ప్రభు ఈ చిత్రంతో తెలుగులోకి అడుగుపెడుతున్నారు. చాలా మంది ప్రముఖ నటీనటులు ఈ చిత్రంలో కనిపించనుండగా, ప్రముఖ సాంకేతిక నిపుణులు ఈ చిత్రం కోసం పని చేస్తున్నారు. అబ్బూరి రవి డైలాగ్స్ అందిస్తున్నారు. జూలై నుంచి సినిమా రెగ్యులర్ షూటింగ్ ప్రారంభం కానుంది.
Naga Chaitanya’s 22nd Movie Pooja Ceremony